日喜樓 (Closed)

提早賀父親節，相約一家四口銅鑼灣 Vpoint的日喜樓晚飯，當晚就家人約六點半早點食，時間早唔需要同人迫，呢間地牢全層，裝修好光猛亮麗，唔同一般川菜館，沿扶手電梯落就到。好貼地已改用平板做 Menu , 客人容易使用，有圖有晒價錢，店員招乎我地同推介是日精選，非常好服務。六月份限量推介店員極推介話超抵，我地選左鮑魚慢烤紅燒肉煲$258 佢話有4隻五頭鮑魚的，媽媽喜歡鮑魚就選佢。韭黃炒鱔糊$148超級惹味肥美的黃鱔配韭黃炒可口，媽媽非常欣賞熱辣辣又香噴噴，送白飯或者炸銀絲卷無得輸。賽螃蟹 $128好正宗用上蟹肉配蛋白同炒，還要保持蛋白的嫩滑，伴香醋蛋黃同食好鮮味，整體口感一流。店員真係好介紹，還滾著上枱，一開蓋香味湧出，鮑魚呈現眼前又真係唔細喎，成隻湯羹咁大，鮑魚煮得入味又有咬口鮮甜香濃，不過我反而讚佢地在鮑魚下面的炆煮五花腩肉，肥瘦層層分間，入口即化無肥膩感，反而估不到的五花肉肉質還可保持這麼嫩口。睇落有點肥膩，但食落口一點肥膩也沒有，還有層次同有collagen較膠口。北京填鴨 半隻 $228皮脆肉質較實，蒸包皮軟熟但有彈性，包著鴨肉加埋青瓜絲同大蔥絲甜醬，一大口咁食真係豪氣。