Video
Read full review
2011-12-21
86 views
我食親泰國菜都會去九龍城, 不過今次朋友一定要去香港區食, 近佢放工, 所以揀左銅鑼灣新開既 Mango Tree. 最近見到好多報紙雜誌都有介紹, 即本試下, 果然有驚喜.一入去就有個好 nice 既泰國女子招呼我地入坐, 餐廳有D暗, 不過好有氣氛, 坐得好舒服. 食物方面真係超晒班, 叫左好多味, 碟碟都好正. 先黎個冬陰公, 叫左小辣, 有4隻(開邊)大蝦, 味超濃, 好足料, 點住火上, 夠晒熱. 生蝦刺身, 好少見到咁大隻既生蝦刺身, 好鮮, 好彈, 最正係個汁, 都幾辣不過好正宗, 一流. 炭燒大頭蝦, D 蝦羔多到爆晒出黎, 燒得剛剛好, 好甘香, 好juicy. 全晚既高潮, 咖喱蟹, 好味到食完要啜埋十隻手指, D汁用黎撈白飯可以食三碗飯. D蟹好好肉, 勁鮮甜, 隻蟹拑大到丫, 啖啖肉, 好滿足. 芒果糯米飯, 賣相有D fusion, 芒果好清甜, 加埋香濃椰槳, 飯又唔會太甜. 芒果 cheesecake, 好少係泰國菜有 cheesecake 食, 呢種 cheesecake 質地比較軟身, 唔膩, 就算食到好飽都食得落. 總之樣樣都好正, 好耐未
我食親泰國菜都會去九龍城, 不過今次朋友一定要去香港區食, 近佢放工, 所以揀左銅鑼灣新開既 Mango Tree. 最近見到好多報紙雜誌都有介紹, 即本試下, 果然有驚喜.一入去就有個好 nice 既泰國女子招呼我地入坐, 餐廳有D暗, 不過好有氣氛, 坐得好舒服.
食物方面真係超晒班, 叫左好多味, 碟碟都好正.
先黎個冬陰公, 叫左小辣, 有4隻(開邊)大蝦, 味超濃, 好足料, 點住火上, 夠晒熱.
生蝦刺身, 好少見到咁大隻既生蝦刺身, 好鮮, 好彈, 最正係個汁, 都幾辣不過好正宗, 一流.
炭燒大頭蝦, D 蝦羔多到爆晒出黎, 燒得剛剛好, 好甘香, 好juicy.
全晚既高潮, 咖喱蟹, 好味到食完要啜埋十隻手指, D汁用黎撈白飯可以食三碗飯. D蟹好好肉, 勁鮮甜, 隻蟹拑大到丫, 啖啖肉, 好滿足.
芒果糯米飯, 賣相有D fusion, 芒果好清甜, 加埋香濃椰槳, 飯又唔會太甜.
芒果 cheesecake, 好少係泰國菜有 cheesecake 食, 呢種 cheesecake 質地比較軟身, 唔膩, 就算食到好飽都食得落.
總之樣樣都好正, 好耐未試過食一餐咁 perfect 既飯.
Post
