石一燒 (九龍城) (Closed)

今次食呢間石燒牛從前菜到甜品都好驚喜🥰位於九龍城的一角，隔離有個巴士站，好十幾條線，搭巴士好方便。餐廳環境好舒服，係木系日式的感覺。我地叫左個尊上二人餐（$598）前菜有一大盤沙律菜仲有個甜酸辣併盤，個炸牛奶好驚喜，脆卜卜的外皮，一咬即融，就食到入面軟綿綿的牛奶。酸呢就係個醋醃蟹柳，酸味味好開胃，個蟹柳食到一絲，係高級蟹柳，仲有個辣係帶子群邊，個味做得啱啱好的辣，仲有彈牙爽口的群邊。個櫻花蝦味噌湯係滿滿的櫻花蝦，足料夠味。主角出場就係豬梅肉，封門柳同牛小排，肉質靚，好食，餐廳仲有自家製鹽做調味，燒野菜菇菇，尤其係啡菇，都好好食。諗住個驚喜已完，點知甜品都有驚喜！原來係自己搞抹茶粉，再倒入個雪糕。個雪糕偏甜，加上抹茶汁帶甘，有得玩又有得食！