Non Kitchen

Open Now

Now Closed

男朋友去工廠大廈拎嘢，無意中發現咗呢間西餐廳，見價錢都合理地方都好大，唔理三七二十一醫咗個肚先。唔想煩叫咗個二人餐，沙律餐湯基本嘢一定合格，不過麵包同埋舊牛油有驚喜，牛油好似有少少松露味，而且一個南瓜湯非常濃郁。主菜叫咗一點黑松露意大利雲吞，雲吞比較細粒但一啖一口又啱啱好喎，黑松露味好香。最驚喜，反而係炭燒牛扒，真係有網紋同大大陣炭燒味道，牛肉味好濃郁，而且唔會好韌有筋。最鍾意食偏生嘅牛扒，有少少血水，又食到牛肉味，薯仔入面有蒜蓉同牛油，勁香，超好味。食埋甜品都好滿足，平均$300一個人，如果唔係工廠大廈入面都好難呢個價錢食到牛扒，所以下次有機會都會再嚟。