東京和食SUN (Closed)

女朋友請食飯，話有驚喜，就跟佢去左東京和食。去到發覺裝修好靚，座位成L型，兩個人可以細細聲傾偈食飯，檯同檯之間有薄黑紗遮住少少，好似有D私隱，設計唔錯。1.貪心Set (雜錦燒肉套餐)：有兩款牛肉加牛舌 牛肉每款4件，切得好厚，燒熟後都好嫩，餐廳方面已落鹽及胡椒，好好味。2. Sukiyaki：細細煲，但好好味，經理話雜錦燒肉套餐同sukiyaki都係佢地既signature dish，果然冇介紹錯，好野！3. 豬肋骨鍋飯：呢個就一般啦，都ok既，但跟埋個漏斗黎話漏完D沙先至開蓋，整色整水咁，有D多餘。4. 海鮮蒸蛋：又係signature dish，但唔好味，海膽有D苦，麻麻地。5.紅豆雪糕：好濃郁，好creamy，好好味呀！6.芒果布甸，實在難以形容，好味到暈，好震撼，好正呀！D甜品舖全部要行開一面。仲有佢地用D爐好的式，好精致，想買番一個番屋企。好多謝女友咁好介紹，好開心呀。