素年 (福隆大廈)

Open Now

Now Closed

同朋友去深水埗行街，附近搵嘢食，意外發現呢間小店裝修好企理，於是入去試試，由於我地係walk in 所以店舖都講明用餐1小時要交枱，當時係6點，證明間鋪都應該好多人食，因為我地6點到都幾乎滿座。講返食物方面，朋友嗌左個不可能肉醬意粉，聽個名都會吸引你去試。個意粉好大碟肉醬又多，茄醬都好味唔太酸。我則叫左個冬蔭意大利飯，裡面有泰式茄子，露筍，金不換，磨菇。賣相已經好靚，估唔到味道很不錯，簡直意外驚喜，因為冬蔭功關係有少少冬蔭功味已經好開胃，重要係每一口都有少少辣味，而那味道很特別，會令人追住嚟食，俾朋友試兩啖，都話估唔到咁好食。由於飯後仲有節目，所以我地唔加20蚊飲咖啡，跟餐杯玄米茶算啦，點知杯茶送到嚟唔係茶包，而係新鮮玄米加一些葉子泡茶，令到茶香味噗出，完全看得到小店嘅用心，一定會再來食。