Video
Read full review
2024-08-15
3284 views
西餐尤其法國菜嘅fine dining就聽得多，原來中餐甚至素食都可以有fine dining享受😎係大館對面呢間圓就為食客帶來嶄新素食體驗，將不同素食食材，以創新嘅配搭、靈巧嘅刀工，加上精緻嘅擺盤，做成一道道色、香、味俱全，千變萬化嘅菜式💐晚市有12道菜tasting menu，而午市就有有$488三道菜／$688五道菜午餐，今次食嘅五道菜午餐唔止有前菜、湯、主菜、主食、甜品，仲有零嘴、餐前小食、welcome drink，好滿足🤰🏻每道菜式都具有豐富層次，完全唔覺得自己食緊輕盈嘅素食。餐廳環境好雅致，有種令人好放鬆嘅禪意同大自然感覺🎋🫘零嘴有琥珀合桃、牛蒡絲、海苔腰果，各帶甜、酸、鹹三種味道、三種脆口，為接下來嘅盛宴打開序幕😚尤其喜歡合桃😋帶些微甜味，唔會有一般琥珀合桃裹上厚重糖漿嘅甜膩感。迎賓飲品🍐酸木瓜、黃金梨非常開胃，酸木瓜撞入清甜黃金梨嘅味道好獨特，飲飲下又覺得幾開胃😛餐前小食💚山葵、萵苣萵苣切得通透，口感爽脆，山葵毫無攻鼻刺激感，卻令萵苣食落更清新😚萵苣浸泡於菌湯之中，菇菌味香氣四溢，仲有少許花椒香氣提味😋🌮野蕈、豆乾、脆盞靈感來自印度小食panipuri，脆卜卜嘅薯波放
🫘零嘴
有琥珀合桃、牛蒡絲、海苔腰果，各帶甜、酸、鹹三種味道、三種脆口，為接下來嘅盛宴打開序幕😚尤其喜歡合桃😋帶些微甜味，唔會有一般琥珀合桃裹上厚重糖漿嘅甜膩感。
迎賓飲品
🍐酸木瓜、黃金梨
非常開胃，酸木瓜撞入清甜黃金梨嘅味道好獨特，飲飲下又覺得幾開胃😛
餐前小食
💚山葵、萵苣
萵苣切得通透，口感爽脆，山葵毫無攻鼻刺激感，卻令萵苣食落更清新😚萵苣浸泡於菌湯之中，菇菌味香氣四溢，仲有少許花椒香氣提味😋
🌮野蕈、豆乾、脆盞
靈感來自印度小食panipuri，脆卜卜嘅薯波放上中芹、豆乾、雞菌等配料，味道口感皆豐富🤓
🍞欖菜、螺絲卷
第三款小食以較濃郁鹹香嘅味道，拉開味蕾嘅帷幕，以迎接之後嘅菜式。欖菜做成creamy香濃嘅醬汁😙面頭再灑上炸欖菜，可以塗上好似饅頭嘅螺絲卷食。螺絲卷分蒸同炸兩款，可以搣開嚟食幾得意😆新鮮炸起嘅螺絲卷外脆內軟，好食😋
前菜
🥗油醋、茴香、酸木瓜
食到呢度先開始前菜環節🤣🤣新鮮無花果混合酸木瓜、冰菜以及沙律菜，酸甜清新。醬汁混合中式麻醬以及意大利黑醋，好醒胃😚
🌯蒲燒、素卷、海藻
以腐皮包裹豆腐，外層塗上燒汁，模仿日式鰻魚🐟腐皮嘅顏色真係超級似鰻魚，幾可亂真👏🏻👏🏻食落幾香豆味😋面頭配以唧入醬汁嘅西米模仿魚子🤎
湯品
🍲松茸、菊花浮萍
見到切成菊花形嘅豆腐，放入湯中就如春季盛開嘅花朵🌼真係不禁驚嘆廚師嘅刀功確實厲害😍😍著實要多年功力先可以將豆腐切得咁幼細。湯係松茸湯，顏色好清，但飲落菌味香濃，暖胃又滿足😋
主菜
🥦醬烤、菜花、千層土豆
將椰菜花做成可以鋸嘅扒🤣紅色係素叉燒醬，好惹味，估唔到同爽脆嘅椰菜花係咁夾，即刻想返屋企試下整🤪🤪薯仔切薄片再做成千層塔，搭配以腰果做成嘅酸忌廉，幾特別。
🧀焗釀啡菇
另一款主菜濃郁強烈嘅味道令佢成為整個套餐嘅焦點🥳大啡菇釀入杏鮑菇、竹筍、羊肚菌及沙葛，餡料切成絲，相比就咁切粒，各種材料更融合，口感更好👍🏻大啡菇面頭鋪上車打芝士以及mozzarella cheese，芝味香濃😋
主食
🌽粉蒸、野菜、陳村粉
雖然已經食到好飽，但呢個陳村粉又好食到忍唔住要清碟🤪滑溜嘅陳村粉搭配黃酒、花椒、菌湯混合而成嘅醬汁，香氣十足😚粉蒸排骨就見得多，呢度做成變奏版，有粉蒸粟米、蕃薯以及蓮藕，口感豐富。
甜品
🪹桂花、雪燕
故事需有起承轉合，呢個套餐亦需要出色嘅甜品畫龍點睛🤩桂花加上雪燕看似清淡，但食落桂花嘅香味非常濃郁，帶比味蕾嘅刺激絕不比其他菜色少👍🏻
人均消費：$760
推介指數（10分為滿分）：8.5分
Post
