Non Kitchen

Open Now

Now Closed

🍗小食拼盤（脆香雞翼，炸薯角，炸洋蔥圈）雞翼外皮脆卜卜，內裡多汁，好有味道。炸薯角金黃色，口感鬆脆，洋蔥圈外層炸得啱啱好，每一啖都係滿滿嘅香氣。🐮炭燒紐西蘭西冷牛扒牛扒燒得啱啱好，肉質嫩滑，外面有一層香香嘅炭燒味，口感豐富。🐷炭燒美國豬鞍扒豬鞍扒亦都好出色，肉質結實，有嚼勁，炭燒香氣濃郁，食完真係回味無窮。兩個主菜嘅薯蓉我都非常欣賞，有滿滿嘅黑松露香味。☕️奶蓋桂花烏龍茶茶香氣撲鼻，桂花香同烏龍茶完美融合，再加上奶蓋嘅綿密口感，唔同平時台式嘅奶蓋，比較似雲呢拿奶油。🧁朱古力心太軟配Gelato雪糕朱古力心太軟一切開，朱古力醬就流出嚟，甜而不膩，配埋冰凍嘅Gelato，冰火兩重天嘅感覺真係正。