美味故事 (Closed)

如果講起旺角食西餐，大家一定諗到普通有個扒有餐飲嗰類，呢間樓上店係一大驚喜。一個晚餐好似full set咁，先嚟一個餐前飲品，然後有湯、沙律、小食、主菜、甜品、和餐飲。一點完餐就即上餐前特飲芒果汁，好清新。好快就上埋沙律和小食，多士好脆，沙律個汁好味，份量都夠。主菜個虎蝦好爽，要提一提個汁都好香，可能有忌廉或者橄欖油，所以好滑，甜品和餐飲就比較大路，不過都係中上水平。要提一提，佢哋個餐牌有寫，可以折扣價加第二份，所以最好雙數人數或者上去前諗好點叫，會比較抵。另外，用餐當晚佢哋booking 係滿，因為我6點一位walk-in，先至安排到座位，要7:15離座。