越之味 (德民街) (Closed)

成日鍾意同朋友試新野，今日黎到紅磡呢間新開既越南餐廳。店內裝修富有越南色彩，雖然空間唔算大，但都坐得舒服。🛋同朋友每類食物都想試，就點左佢地既招牌菜1）越式蟹膏蟹肉湯金邊粉2）招牌越式法包3）慢煮烤牛肉吐司4）肝醬扎肉米捲飲品就點左靚女老闆娘推介既玫瑰盧薈茶🌷先講招牌越式法包，有得揀硬包或軟包，因為平時食開都係硬包，所以今次呢度試食軟包，驚喜地個包係超脆，亦同入面個醬汁好夾。然後黎一個烤牛肉吐司，吐司又係非常脆身，嗰醬汁連埋牛肉亦配合得好好。跟住到蟹膏蟹肉湯分邊粉，湯底好濃好鮮味但又唔覺得佢同平時出面食越南粉既鋪頭落左好多味精，d粉完全吸收左湯既精華，食到唔停口。除左蟹肉，仲有隻大蝦，配埋香濃既牛油係面，成碗湯粉都覺得佢做得好出色。至於肝醬扎肉米捲，感覺清新，可能之前既食物味道較濃郁，所以覺得呢個無咩特別，如果一開始食呢個小食先應該會好d！最後杯玫瑰盧薈茶，玫瑰味好香濃，冬天飲啱晒！總括黎講，呢間鋪頭係值得一試，好味又抵食，今次得兩個人，所以點既菜式唔多。下次都會再約朋友試埋其他招牌菜。