Video
Read full review
2019-07-13
141 views
之前去親茶木都只係會點炸雞排肉燥飯之類填得飽個肚嘅嘢食，所以琴晚女朋友話同我食好西，但帶咗我去茶木，即刻有啲失望…但原來，其實係我一直冇試佢其他菜式，今次去食咗啲我完全冇點過嘅菜式，係十級驚喜嘅！首先一嚟就上咗個芝心雞翼，其實望落去都只係隻漲咗嘅雞翼，但一咬落去真係驚為天人！係流心芝士呀！！佢哋將雞翼上半部份去咗骨，然後釀入咗芝士，熱辣辣食真心好正好香！之後就到希臘式優格英國保濕豬排燉藜麥飯，個名真係好～長！但味道真係好OK！個豬排嘅肉質真係好軟嫩，咬落去仲有肉汁滲出嚟，而豬排上面嘅優格，仲可以有助減淡肉味嘅油膩感！另外，我之前冇食過藜麥，估唔到佢煙煙韌韌咁又幾好咬口！呢個飯其實兩個人食都夠飽～嘢飲方面，我叫咗西瓜柳丁蘆薈，其實啫係西瓜沙冰，面頭有蘆薈食吓，酸酸甜甜都幾開胃架～！女朋友就話佢杯藍莓希臘優格特飲好正，本來就鍾意食乳酪嘅佢，話杯特飲好健康又好味，我試過都覺得真係正嘅，同埋係真係有一粒粒藍莓喺入面嘅！食到咁上下，女朋友話叫個蛋糕食，初初諗住細細件Cake就由佢嗌啦～點知個蛋糕一上到枱面，大到嚇親我！好彩個海鹽奶蓋戚風蛋糕唔係好甜，有淡淡嘅海鹽味，連支甜筒個雪糕都係海鹽味架！我
所以琴晚女朋友話同我食好西，但帶咗我去茶木，即刻有啲失望…
但原來，其實係我一直冇試佢其他菜式，今次去食咗啲我完全冇點過嘅菜式，係十級驚喜嘅！
5 views
0 likes
0 comments
7 views
0 likes
0 comments
首先一嚟就上咗個芝心雞翼，其實望落去都只係隻漲咗嘅雞翼，但一咬落去真係驚為天人！係流心芝士呀！！佢哋將雞翼上半部份去咗骨，然後釀入咗芝士，熱辣辣食真心好正好香！
6 views
1 likes
0 comments
之後就到希臘式優格英國保濕豬排燉藜麥飯，個名真係好～長！但味道真係好OK！個豬排嘅肉質真係好軟嫩，咬落去仲有肉汁滲出嚟，而豬排上面嘅優格，仲可以有助減淡肉味嘅油膩感！另外，我之前冇食過藜麥，估唔到佢煙煙韌韌咁又幾好咬口！呢個飯其實兩個人食都夠飽～
5 views
0 likes
0 comments
嘢飲方面，我叫咗西瓜柳丁蘆薈，其實啫係西瓜沙冰，面頭有蘆薈食吓，酸酸甜甜都幾開胃架～！
女朋友就話佢杯藍莓希臘優格特飲好正，本來就鍾意食乳酪嘅佢，話杯特飲好健康又好味，我試過都覺得真係正嘅，同埋係真係有一粒粒藍莓喺入面嘅！
1 views
0 likes
0 comments
4 views
0 likes
0 comments
食到咁上下，女朋友話叫個蛋糕食，初初諗住細細件Cake就由佢嗌啦～點知個蛋糕一上到枱面，大到嚇親我！好彩個海鹽奶蓋戚風蛋糕唔係好甜，有淡淡嘅海鹽味，連支甜筒個雪糕都係海鹽味架！我就最鍾意佢鋪喺蛋糕面嘅杏仁脆片，再點埋啲奶蓋一齊食真係冇得頂，連平時唔係好鍾意食甜品嘅我都覺得呢個蛋糕幾得吓！
Post
