餃店 (Closed)

放工得閒無事，漫無目的...唔知點解就上左呢度搵tea食。第一次來，發覺個場非常街坊，不少人旨在嘆冷氣，睇電視，打牙骹，總之旺丁唔旺財：食店非常密集，花多眼亂，但不少是冇生意的。點解選擇這間？　因為有Ｄ"light food"，唔係十幾蚊只得杯野飲，或者成碟飯咁多野食...　呢度有水餃同煎餃。試左個＂意式芝士肉醬煎餃＂x 5 隻，加杯五花茶(熱)都只係$15.食落有驚喜喎!!　煎餃好脆好熱，但唔多油，肉汁多而鮮美，　最特別係內裡的肉醬，味道有點似食緊pizza，但其實係煎餃喎！五花茶剛好中和煎餃子的熱氣，但細杯左少少...原來呢杯唔係熱飲，只是"唔凍" 咁解。