花園金閣 (Closed)

2個人, 22:30 行到旺角, 想打邊爐, 本來想再去德興...但感覺好似成日都係德興, 你唔悶我都悶啦, 所以試下 花園...因為格完價, 佢最平, 加埋10%都只係HK$99 任飲任食, 驚喜係, 竟然有可口可樂任飲呀, 好少地方有得咁飲法 一坐低, 當然各要左一罐可口可樂先啦, 跟住黎火鍋底, 美中不足係醬料, 唔加錢既話, 只有豉油同一千零一碟既混醬, 當時感覺係...真係要慳d使...菜式不少, 比德興多, 更有美國肥牛~ 第一輪係咁點, 又駝鳥肉呀, 又丸呀, 又金菇呀, 又肥牛呀咁, 仲叫埋 西洋菜同埋油墨菜添d 餸黎左, 坦白講, d 丸類真係麻麻地, 尤其係雲吞,, 大家可以不叫...不過, 肥牛, 油墨菜同埋 西洋菜, 呢度都真係唔錯, 肥牛叫幾多碟, 真係黎足幾多碟, 好多都係叫4碟, 只黎左2碟, 驚死蝕本咁, 我開頭一叫叫左6碟, 真係黎足6碟, 抵讚, 油墨菜同西洋菜, 乾淨, 無菜蟲, 夠綠~叫左起碼4-5輪野食, 最後黎個出前一丁, 混合各樣食物精華既沙爹湯煮出前一丁, 簡直一樂也