Video
Read full review
2018-08-29
376 views
記得兩年前左右都幫襯過呢間上海餐廳，因為嗰陣時知道老闆好用心做，本身都算知道佢，有啲認識。加上嗰陣時稍有名氣就決心一試，同自己都好鍾意食生煎包。不知不覺都好耐冇食過，今晚就一於再試吓。一定要叫你個前菜就係蒜泥白肉啦，因為食上海野呢啲都好出名好惹味，同最鍾意佢就係帶啲辣辣地加埋啲蒜頭同埋蔥花非常之香又惹味，呢度啲白肉切得好薄啱啱好包住啲配料一齊食。底下墊埋啲粉皮吸埋啲辣汁勁正！做前菜就一流啦！咁嚟得呢度生煎包一定要叫呢個招牌喇。見到鋪頭有推介做緊呢個純素食嘅生煎包，個樣綠綠地色幾可愛好吸引好吸睛，但係太心急叫咗普通生煎包之後先醒起添傻咗啊！好似印象中同我之前食有啲唔同但係實質分別就唔好記得。依然都係細細個，底下就好香脆，最深刻係一咬落去肉汁根本擋都擋吾住，仲食到件衫污糟左添😂😭入邊就依然肉汁豐富，根本都唔會乾㗎。另一樣上海嘢食我最鍾意嘅就係年糕，因為煙煙韌韌好有咬口，咁我就最鍾意。叫左上海炒年糕。不過鋪頭呢隻年糕我覺得應該係自家製，所以唔似出邊嗰種買返嚟嘅機械化製作的一式一樣的年糕咁，口感一樣咁有咬口。其實配料都好豐富有好多肉絲有黃芽白同埋啲小棠菜一齊炒同埋冬菇絲。雖然口感不似預期，但好
不知不覺都好耐冇食過，今晚就一於再試吓。
一定要叫你個前菜就係蒜泥白肉啦，因為食上海野呢啲都好出名好惹味，同最鍾意佢就係帶啲辣辣地加埋啲蒜頭同埋蔥花非常之香又惹味，呢度啲白肉切得好薄啱啱好包住啲配料一齊食。底下墊埋啲粉皮吸埋啲辣汁勁正！做前菜就一流啦！
$35
16 views
0 likes
0 comments
咁嚟得呢度生煎包一定要叫呢個招牌喇。見到鋪頭有推介做緊呢個純素食嘅生煎包，個樣綠綠地色幾可愛好吸引好吸睛，但係太心急叫咗普通生煎包之後先醒起添傻咗啊！
好似印象中同我之前食有啲唔同但係實質分別就唔好記得。依然都係細細個，底下就好香脆，最深刻係一咬落去肉汁根本擋都擋吾住，仲食到件衫污糟左添😂😭入邊就依然肉汁豐富，根本都唔會乾㗎。
$32
17 views
0 likes
0 comments
另一樣上海嘢食我最鍾意嘅就係年糕，因為煙煙韌韌好有咬口，咁我就最鍾意。叫左上海炒年糕。不過鋪頭呢隻年糕我覺得應該係自家製，所以唔似出邊嗰種買返嚟嘅機械化製作的一式一樣的年糕咁，口感一樣咁有咬口。其實配料都好豐富有好多肉絲有黃芽白同埋啲小棠菜一齊炒同埋冬菇絲。雖然口感不似預期，但好欣賞餐廳幾用心製作。其實依然絲毫無損我對年糕嘅喜愛。😋
$50
11 views
0 likes
0 comments
飲品就叫咗凍豆漿，味道適中，可以再凍啲添。
雖然今晚好大雨但係都係店中度過左一個上海之夜。
Post
