Video
Read full review
2021-04-02
4270 views
Fortnum & Mason 由安妮女王嘅僕人 William Fortnum 於1701年所創立🤵🏻 由創立到今日都一直同皇室保持來往，亦係英女皇喜愛嘅品牌之一，有唔少皇家認證！🏵品牌最具代表性係茶葉同傳統英式下午茶，之前去英國旅行時都會買呢間啲茶做手信，當時行程唔啱所以都無試到下午茶😗 估唔到佢地會嚟香港開分店！即刻黎感受吓皇族嘅味道做一個下午嘅貴婦先！🤩作為第一個海外分店，位於K11 Muesa 人文藝術購物館，整個商場裝修好有藝術氣息，選址非常唔錯😜 店舖有兩層，底層係購物區，可以選購茶葉、餅乾、酒等買返屋企，裝修都幾忠於英國嘅店舖👍🏻 購物區內有條樓梯，沿著樓梯上一樓，就係充滿英倫風格嘅餐廳，仲可以飽覽維港景色！ ⚠️ 如果想坐窗口位記得預約時註明。呢度無論茶具，餐牌甚至乎外賣盒都係用佢地最經典嘅藍綠色山茶葉圖案👀 佢呢度用嘅茶具下面購物區都買到，另外都可以上英國官網買到。呢個茶壺官網要成千五蚊，茶杯都七百幾蚊😳 仲有碟三層架等全部都係出自同一系列，真係未食已經係貴婦級享受！😂茶嘅款式都好多，最知名嘅係 English Breakfast Tea 同 Royal Blend，
品牌最具代表性係茶葉同傳統英式下午茶，之前去英國旅行時都會買呢間啲茶做手信，當時行程唔啱所以都無試到下午茶😗 估唔到佢地會嚟香港開分店！即刻黎感受吓皇族嘅味道做一個下午嘅貴婦先！🤩
作為第一個海外分店，位於K11 Muesa 人文藝術購物館，整個商場裝修好有藝術氣息，選址非常唔錯😜 店舖有兩層，底層係購物區，可以選購茶葉、餅乾、酒等買返屋企，裝修都幾忠於英國嘅店舖👍🏻 購物區內有條樓梯，沿著樓梯上一樓，就係充滿英倫風格嘅餐廳，仲可以飽覽維港景色！ ⚠️ 如果想坐窗口位記得預約時註明。
呢度無論茶具，餐牌甚至乎外賣盒都係用佢地最經典嘅藍綠色山茶葉圖案👀 佢呢度用嘅茶具下面購物區都買到，另外都可以上英國官網買到。呢個茶壺官網要成千五蚊，茶杯都七百幾蚊😳 仲有碟三層架等全部都係出自同一系列，真係未食已經係貴婦級享受！😂
茶嘅款式都好多，最知名嘅係 English Breakfast Tea 同 Royal Blend，但呢兩款之前都買過返屋企，所以揀啲未試過嘅。但西式茶對我嚟講係有啱我口味同唔啱我口味之分，茶葉靚唔靚我就真係飲唔出喇🧐
一間英國咁有認受性嘅餐廳當然係忠於傳統嘅英式三層瓷碟架，每層擺位都好講究，最上層放甜點，第二層放Scone，最下層則放手指三文治。而傳統吃法應該是由下而上，由鹹到甜。唔少酒店都唔用這種傳統擺法，呢度可以真正感受到貴族式嘅格調🤫❤️ 鹹點
據說以前貴婦生活午餐同晚餐時間係隔好耐，為咗令上流社會嘅女士們可以填肚得黎不失儀態，傳統嘅Finger sandwich係唔會長過隻手指。Fortnum 嘅鹹點唔會好似出面咁花巧，呈上比較正規嘅finger sandwich。對於我哋想享受美食嘅人嚟講係會少失望，麵包雖然軟熟但味道都平實。再加上見到有個就咁夾住青瓜做三文治🥒 但唔講唔知，青瓜三文治先係最能代表英式三層架嘅鹹點，因為當時只有上流社會先會有閒情食營養唔高嘅青瓜三文治👀好食度：⭐️⭐️⭐️ (3/5)
❤️ Scones
第二層嘅英式鬆餅亦都係下午茶嘅經典，呢間嘅質素係個人心中香港頭五位！😉 鬆餅唔乾，有濕潤度，切開唔會碎哂，整到周圍都係。食落口都唔會有吸口水或漿住口咁，個人覺得都算唔錯😋好食度：⭐️⭐️⭐️⭐️ (4/5)
❤️ 甜點
雖然我哋係兩個人食，但最頂層嘅甜點每款嚟咗一樣，如果唔想share係可以叫佢哋嚟多一set 或特嗎揀幾款叫佢攞比你，我哋兩個女仔食到呢度已經飽飽地，所以每樣都同朋友share 一半就算。甜點嘅甜度都偏向歐倫風...即係偏甜🤫 口味都無話邊一款係我特別鍾意，不過不失啦。好食度：⭐️⭐️⭐️ (3/5)
另外佢有個餐車有兩件蛋糕，兩款都可以試吓，其實剩係食個set已經好飽吓，所以我哋到最後係食唔哂打包咗個蛋糕返屋企😂 
成個三層架啲嘢食都係無限refill，你邊款想再食/成個架想再食多轉都可以叫佢攞比你！👌🏻 但時間上（因為佢係限時）同埋胃嘅空間問題，係唔會食到好多嘅。餐廳推薦度：⭐️⭐️⭐️✨ (3.5/5)
個人覺得以佢地嘅三文治，scone 同埋甜品係唔會明白點解會賣到咁貴🧐 但當感受到呢度嘅服務，服務員嘅英式幽默，英倫風嘅格調，再加上隱藏住歷史故事嘅傳統英式下午茶，可能又會有另一番感受😌
Post
