Video
Read full review
2023-03-07
988 views
Bombay Dreams 中環雲咸街46-48號雲明行1樓-----香港嘅印度餐廳好多，但係環境靚同時食物有質素嘅印度餐廳就真係10隻手指絕對數得晒。呢間有10幾20年歷史嘅米芝蓮推介印度餐廳Bombay Dreams就係少數具備兩者嘅其中至一。.好耐之前同舊同事食過佢哋嘅午市自助餐，任食得黎卻是質素上乘，為我帶嚟深刻印象，是日週末晚市再訪，人氣依舊。20：00到步嘅時候，全場爆滿，好彩有book到檯先黎。裝修富貴氣，高級感滿滿，餐牌亦精緻有質感。客人有香港本地人、印度人，亦都有好多其他外國人。餐廳首先送上前菜，類似泰式辣醬配麵包🍞，好特別.🍗Non Vegetarian ($268)睇個名都知係無素嘅，啱晒一眾食肉獸。呢碟雜錦燒烤裡面包括咗有“Tandoori Nisha / Fish Tikka / Murgh Tikka Peshawari /TeBoti Kebab / Raunak-E-Seekh“當中個人最鍾意就係大蝦，新鮮爽彈，令人一食難忘。雞同魚亦非常嫩口，調味啱啱好無過重，火候控制亦是恰到好處。.🐏Lukhnowi Gosht Biryani（$238）用多款印度香
中環雲咸街46-48號雲明行1樓
-----
香港嘅印度餐廳好多，但係環境靚同時食物有質素嘅印度餐廳就真係10隻手指絕對數得晒。呢間有10幾20年歷史嘅米芝蓮推介印度餐廳Bombay Dreams就係少數具備兩者嘅其中至一。
.
好耐之前同舊同事食過佢哋嘅午市自助餐，任食得黎卻是質素上乘，為我帶嚟深刻印象，是日週末晚市再訪，人氣依舊。20：00到步嘅時候，全場爆滿，好彩有book到檯先黎。
裝修富貴氣，高級感滿滿，餐牌亦精緻有質感。客人有香港本地人、印度人，亦都有好多其他外國人。
餐廳首先送上前菜，類似泰式辣醬配麵包🍞，好特別
.
🍗Non Vegetarian ($268)
睇個名都知係無素嘅，啱晒一眾食肉獸。呢碟雜錦燒烤裡面包括咗有“Tandoori Nisha / Fish Tikka / Murgh Tikka Peshawari /TeBoti Kebab / Raunak-E-Seekh“當中個人最鍾意就係大蝦，新鮮爽彈，令人一食難忘。雞同魚亦非常嫩口，調味啱啱好無過重，火候控制亦是恰到好處。
.
🐏Lukhnowi Gosht Biryani（$238）
用多款印度香料煮成嘅印度香飯，濕潤且層次豐富，別具印式風味，連配濃而不膻嘅羊肉，單食或是撈咖喱都不錯。
🐟Mahi Sunehri（$178）
🐥Chicken Makhni （$188 ）
以香草、蕃茄、牛油、忌廉等等調配而成嘅Chicken Makhni，其實亦即係坊間嘅Butter Chicken，係佢哋嘅Signature之一，甜甜地唔會太辣，係非常之適合香港人口味嘅咖喱。作為Signature當然冇令人失望，但係要說令我感到驚喜嘅，就係另一款咖喱Mahi Sunehri，呢款咖喱用咗薑黃、小茴香、芫荽、孜然、蒜蓉等等嘅材料調配而成，汁底惹味幼滑至極，將本來較淡味嘅新鮮龍利魚柳味道立馬躍升好幾級，無論係配搭Roti 定Naan都非常合適，餐廳完全係欠呢款咖喱一個“Signature”嘅稱呼。
🍦甜品方面，推薦大家一試印度雪糕“Kulfi“，奶味香濃，質感係雪糕同沙冰之間，食完帶住甜味係口腔離開，滿足。
全單價錢比大家參考：
Post
