Video
Read full review
2022-08-23
563 views
傳說中一桌難求既下午茶，提早一個零月訂定位慶祝友人生日，充滿左期待。去到安排坐係最近門口既位置，無得影近窗景色，少少失落。侍應好賣力咁介紹晒12隻茶葉，最後揀左Chamomile Reverie，Moroccan Mint，Honeybush Chai，Oriental Beauty當中係東方美人茶比較出色，淺粉色，稍微帶有花香，可以入口既味道。其他幾款就無乜特別茶味，或飲落感奇怪。菜單上可任選八款鹹點及甜點，剛好四人每款來兩件分吃好了。鹹點Green Asparagus露筍係小清新代表，爽脆，威士忌酸蛋黃醬同熱情果醬都夾Sea Breeze灸烤吞拿魚，鋪上中華沙律及炸脆紅葱，感覺用上中華沙律有點降格左Comedia dell' Arte巴馬臣芝士弄成Panna Cotta狀，底部係佛卡夏意大利包，菜單形容係脆，但只食到乾爭爭Green Tartare牛油果醬、豌豆、柚子、露筍組合而成既他他，面層有啫喱，創意十足但味道唔突出Foie Gras Terrine鵝肝基本上好難失手，伴上洋葱醬同無花果解膩不錯Tomato Macaron又一頗有創意既作品，番茄味馬卡龍配羊奶芝士同番茄乾，還好
傳說中一桌難求既下午茶，提早一個零月訂定位慶祝友人生日，充滿左期待。去到安排坐係最近門口既位置，無得影近窗景色，少少失落。
侍應好賣力咁介紹晒12隻茶葉，最後揀左
Chamomile Reverie，Moroccan Mint，Honeybush Chai，Oriental Beauty
當中係東方美人茶比較出色，淺粉色，稍微帶有花香，可以入口既味道。其他幾款就無乜特別茶味，或飲落感奇怪。
菜單上可任選八款鹹點及甜點，剛好四人每款來兩件分吃好了。
鹹點
Green Asparagus
露筍係小清新代表，爽脆，威士忌酸蛋黃醬同熱情果醬都夾
Sea Breeze
灸烤吞拿魚，鋪上中華沙律及炸脆紅葱，感覺用上中華沙律有點降格左
Comedia dell' Arte
巴馬臣芝士弄成Panna Cotta狀，底部係佛卡夏意大利包，菜單形容係脆，但只食到乾爭爭
Green Tartare
牛油果醬、豌豆、柚子、露筍組合而成既他他，面層有啫喱，創意十足但味道唔突出
Foie Gras Terrine
鵝肝基本上好難失手，伴上洋葱醬同無花果解膩不錯
Tomato Macaron
又一頗有創意既作品，番茄味馬卡龍配羊奶芝士同番茄乾，還好
Smoked Salmon Roll
煙三文魚卷絕對係穩陣之選，魚子醬應該係反映係價格上
Scallop Tartar
帶子配上檸檬、薄荷、熱情果，有少少蓋過本身既鮮甜
Scone
到原味及提子鬆餅上枱，配布冧醬、蜜糖、無花果醬、楓糖漿。鬆餅唔乾，有牛油香，夠熱，而布冧醬酸甜得宜，個人好欣賞
甜點
Pink Guava
石榴味幾香，有蛋糕底帶出層次
Carrot Cheese Cake
個蘿蔔造型幾有趣，但忌廉芝士配蘿蔔蛋糕真係好唔夾，加左菠蘿都挽救唔到
Cappuccino
食得出芝士、咖啡味，唔錯
Wild Strawberry Delight
士多啤梨既組合，果肉加慕斯，起碼唔會失手
Banana Crunch
香蕉本身都甜，呢個甜點令佢更加甜到甩牙
Pistachio Orange
呢個有開心果平衡到無咁甜
Yuzu Lemon Marshmallow Tart
居然呢個都頗甜，係個棉花糖出晒事
Macaron Sesame
芝麻ganache還好，個餅底硬到咬唔開
整體可以講係幾唔滿意，一黎勁多既presentation係mousse加餅底，而舊餅底係勁硬，印象分大減。味道大部分都偏甜，感覺真係賣名氣多。
Post
