Video
Read full review
2023-06-12
122 views
今晚黎到Restoran SAYA到試一試佢地泰國菜，其實之前都一直想試，只係因為佢地嘅booking都好full，又或是我book咗突然唔得閒要cancel。今次就book咗夜晚7點鐘，諗住之前都應該唔會有客人，所以早咗半個鐘頭到都應該會有枱，但好可惜，sorry係唔會有枱😂職員叫我地喺附近行吓街半個鐘頭後返嚟😂呢個我覺得幾好笑，但其實我見到佢地餐廳當期時都有空枱🥹不過唔緊要，因為確實個booking係7點鐘嘅。到搭正7點鐘就同另一半返去，之後職員執埋枱就交枱俾我地，因為等緊嘅期間都已經睇好想食咩，所以就可以即刻落order，我地今次嗌咗：1）泰北咖喱金麵 ⭐️⭐️⭐️⭐️⭐️ / ⭐️⭐️⭐️⭐️⭐️2）泰式炒雜菜 ⭐️⭐️ / ⭐️⭐️⭐️⭐️⭐️3）炭火燒牛肉 ⭐️⭐️⭐️⭐️ / ⭐️⭐️⭐️⭐️⭐️4）泰式炸雞棗⭐️⭐️⭐️⭐️⭐️ / ⭐️⭐️⭐️⭐️⭐️5）香蕉煎薄餅 ⭐️ / ⭐️⭐️⭐️⭐️⭐️食物質素黎講，真係好大嘅起伏，一啲可以好好味，而另一啲又可以好難食。確實佢地嘅招牌泰北咖喱金麵係好吸引好好味，咖喱香加上椰香再加上泰國嘅香料，真係撈拖鞋都會覺得好味，而佢地嘅金麵就用咗普通麵同炸麵嘅方式呈現出嚟，令到口感更加豐富，而個雞肉雖然唔係嫩滑個一種，
1）泰北咖喱金麵 ⭐️⭐️⭐️⭐️⭐️ / ⭐️⭐️⭐️⭐️⭐️
2）泰式炒雜菜 ⭐️⭐️ / ⭐️⭐️⭐️⭐️⭐️
3）炭火燒牛肉 ⭐️⭐️⭐️⭐️ / ⭐️⭐️⭐️⭐️⭐️
4）泰式炸雞棗⭐️⭐️⭐️⭐️⭐️ / ⭐️⭐️⭐️⭐️⭐️
5）香蕉煎薄餅 ⭐️ / ⭐️⭐️⭐️⭐️⭐️
食物質素黎講，真係好大嘅起伏，一啲可以好好味，而另一啲又可以好難食。確實佢地嘅招牌泰北咖喱金麵係好吸引好好味，咖喱香加上椰香再加上泰國嘅香料，真係撈拖鞋都會覺得好味，而佢地嘅金麵就用咗普通麵同炸麵嘅方式呈現出嚟，令到口感更加豐富，而個雞肉雖然唔係嫩滑個一種，但就加埋啲醬料就好出色。炭火燒牛肉炭火味好足，一食落去已經有陣炭火味直奔喉嚨，而佢拌碟嘅泰式醬料嘅少少酸味，正好解咗個油膩感。而個雞棗炸到外脆內嫩，一口酥嘅size，但又唔會太咸，配上泰式辣醬就更加好味。講完好味嘅嘢，就要講唔好味/難食嘅嘢🥹泰式炒雜菜，第一，好細碟，第二，無泰式，基本上冇用到香料去炒，淨係食到有少少嘅蒜蓉味，仲要係如果唔撈勻嘅話，基本上同清炒無分別🥲最後悔就係甜品嗌咗個香蕉煎薄餅，基本上份量細，最重要係個薄餅係凍🥲🥲連煎翻熱佢都唔肯做多步😭另外就係其實佢入面個餡係香蕉，可能餐廳都知道難食，所以就整到個份量少😂。
最後埋單$634，確實以泰國菜來講唔算平，而個份量亦都唔算多，就算係我讚嘅菜式，其實個份量都係偏少，所以當其時我哋落單，問個職員會唔會嗌得太多，個職員好果斷同我哋講「唔會」🤣所以其實如果去食就預咗要嗌多幾款唔同嘅菜式，但最重要嘅係張枱又做唔到可以俾你一次過放晒啲食物，我地二人枱，基本上就只能夠放到三碟菜式🥹。但有一說一，餐廳嘅氛圍做得唔錯，好岩三五知己星期五六約埋一齊敘舊食吓飯飲杯嘢，我都同另一半講後悔星期日同埋揸車過黎，唔係嘅話就可以同你飲返杯。😌
7 views
0 likes
0 comments
12 views
0 likes
0 comments
6 views
0 likes
0 comments
18 views
0 likes
0 comments
7 views
0 likes
0 comments
8 views
0 likes
0 comments
Post
