琥酌 (Moved) New Location

香港既吉列牛扒有平有貴，有好食既選擇，亦有抵食既選擇。今次就介紹一間好食既。琥酌有兩間分店，一間位於太子，一間就係尖沙咀。想食得清淨，就要去尖沙咀店喇。點解咁講？因為尖沙咀店人流較少，即代表左等位易同服務好更周到囉😚。先講下小食先，我今次叫左個西京銀雪魚同釀明太子雞翼。坦白講，小食就唔太特別，同出需既日式料理餐廳比較，分別不大😅。主食叫左鰻魚三品茶漬飯。味道唔錯，勝在可玩三食同埋夠平😄。重點當然係主角既吉列牛扒啦😋。依客特選A5霜降黑毛和牛，油脂比例平均，放上塊熱石稍微煎熱，一放入口，入口即溶，實在好正👍🏻👍🏻。除左吉列和牛，仲有牛舌，鹿兒島A5和牛肩胛片，頂級美國安格斯牛肉片各4塊。實在係豪食之選 😊。