Mano (海濱匯)

Open Now

Now Closed

Mano 🥃 難得放假，係海濱公園散散步，附近搵咗一間意大利餐廳試一試。Mano位於觀塘商業區海濱匯，餐廳裝修時尚，帶有歐美風格。環境寧靜舒適，食物質素很好，員工亦都非常友善。🤎燒大蝦三文魚籽龍蝦汁扁意粉 $158擺盤好精緻，第一眼望到已經好吸引🥰大蝦新鮮，肉質爽甜，外焦內嫩 ，帶有炭烤味。扁意粉煮至 al dente，口感有咬口。香濃龍蝦汁掛上每一條意粉，仲有新鮮脆口嘅三文魚籽，讓每一口都充滿海鮮鮮味，非常豐富。🤎葡式香辣燒春雞配薯條 $248份量十足，完整一隻燒春雞！仲要唔細隻喎😳外皮香脆，帶有微辣，內部保持肉質嫩滑，好厚實！旁邊配有葡式辣醬，相當細心🫶🏻薯條保持香脆，灑滿微辣粉，好惹味！🤎香蕉榛子朱古力醬薄餅 $88超有驚喜！！！呢日嘅highlight⭐️⭐️⭐️薄餅面層鋪滿榛子朱古力醬頂層放上香蕉，棉花糖及紅桑子焗到啱啱好～溶溶哋薄餅口感煙韌，有咬口好食到哭泣🥲🥲🥲🤎凍檸茶 $28新鮮檸檬新鮮，紅茶剛好，不會過濃~解油膩，清新舒服又放鬆。