叄壽司凍肉專門店

Open Now

Now Closed

位於屯門景峰輕鐵站附近，住喺附近嘅居民有口福了，最近開咗間叄壽司凍肉專門店，主打外賣日本料理包括壽司刺身等等及售賣澳門日本等地方嘅食品，餐廳面積唔算十分大，見到門口做緊推廣，竟然連羊腩煲及雞煲都有得賣，仲可以外賣成個煲返去，難得屋企人食飯，於是就叫咗個羊腩煲。羊腩煲價格非常親民而且份量十分足夠，足足有四磅，足夠四人家庭享用，羊腩新鮮連埋配料炆得非常入味，比起坊間餐廳嘅大羊腩煲份量多，餐廳做非常好，配埋生菜及煲外賣，唔使還煲，非常適合我呢啲懶人。另外仲叫咗半磅三文魚腩刺身，厚切三文魚非常肥美，油脂感豐富，屯門有依個質素嘅三文魚腩刺身非常滿足。下次如果有機會一定會試埋佢哋嘅雞煲，同埋其他壽司一定唔會失望。