Video
Read full review
2024-03-13
72 views
如果想係尖沙咀搵間靚景西餐撐枱腳，又想試下有特色既菜色，不妨黎到𝐂𝐇𝐄𝐅 𝐒𝐓𝐀𝐆𝐄🌟 餐廳由老闆兼總廚Eddy Chu主理，佢擅長法國料理，更融會多國美食特色，保證菜式創意與味道兼備😍👏🏻餐廳晚市提供性價比極高既𝐓𝐚𝐬𝐭𝐢𝐧𝐠 𝐃𝐢𝐧𝐧𝐞𝐫 𝐌𝐞𝐧𝐮，只需$𝟒𝟐𝟖/𝐩𝐞𝐫𝐬𝐨𝐧就可以嘆齊七道菜😍 每道菜式都誠意十足，最鍾意每次上菜連隻碟都係熱辣辣，保持食物溫度，可見主廚對烹飪好高要求，誠意十足🌟👏🏻❝ 𝑺𝒄𝒂𝒍𝒍𝒐𝒑 𝑪𝒂𝒓𝒑𝒂𝒄𝒄𝒊𝒐 & 𝑷𝒓𝒂𝒘𝒏 ❞日本麵豉帶子薄片配鮮蝦肉 · 帶子鮮甜可口，蝦肉入口爽彈😋 沙律菜配上麵豉醬汁幾特別，酸甜醒胃。❝ 𝑱𝒂𝒑𝒂𝒏𝒆𝒔𝒆 𝑹𝒊𝒄𝒆 𝑪𝒂𝒌𝒆 𝒊𝒏 𝑩𝒍𝒂𝒄𝒌 𝑻𝒓𝒖𝒇𝒇𝒍𝒆 𝑪𝒓𝒆𝒂𝒎 𝑺𝒂𝒖𝒄𝒆 ❞松露煮日本年糕 · 年糕口感煙靭，最正係個松露醬汁，香氣十足，香濃又creamy，令到年糕好掛汁，呢個搭配有驚喜😍❝ 𝑩𝒂𝒌𝒆𝒅 𝑬𝒔𝒄𝒂𝒓𝒈𝒐𝒕𝒔 𝒊𝒏 𝑪𝒓𝒊𝒔𝒑𝒚 𝑺𝒉𝒆𝒍𝒍 ❞焗連殼食法國田螺 · 估唔到呢度有法國蝸牛食😍 入口爽口彈牙，似食緊螺肉咁，以香草忌廉汁調味，食落個味道完全可以接受到👌🏻 最特別係連殼都食得，店員介紹係用
餐廳晚市提供性價比極高既𝐓𝐚𝐬𝐭𝐢𝐧𝐠 𝐃𝐢𝐧𝐧𝐞𝐫 𝐌𝐞𝐧𝐮，只需$𝟒𝟐𝟖/𝐩𝐞𝐫𝐬𝐨𝐧就可以嘆齊七道菜😍 每道菜式都誠意十足，最鍾意每次上菜連隻碟都係熱辣辣，保持食物溫度，可見主廚對烹飪好高要求，誠意十足🌟👏🏻
❝ 𝑺𝒄𝒂𝒍𝒍𝒐𝒑 𝑪𝒂𝒓𝒑𝒂𝒄𝒄𝒊𝒐 & 𝑷𝒓𝒂𝒘𝒏 ❞
日本麵豉帶子薄片配鮮蝦肉 · 帶子鮮甜可口，蝦肉入口爽彈😋 沙律菜配上麵豉醬汁幾特別，酸甜醒胃。
❝ 𝑱𝒂𝒑𝒂𝒏𝒆𝒔𝒆 𝑹𝒊𝒄𝒆 𝑪𝒂𝒌𝒆 𝒊𝒏 𝑩𝒍𝒂𝒄𝒌 𝑻𝒓𝒖𝒇𝒇𝒍𝒆 𝑪𝒓𝒆𝒂𝒎 𝑺𝒂𝒖𝒄𝒆 ❞
松露煮日本年糕 · 年糕口感煙靭，最正係個松露醬汁，香氣十足，香濃又creamy，令到年糕好掛汁，呢個搭配有驚喜😍
❝ 𝑩𝒂𝒌𝒆𝒅 𝑬𝒔𝒄𝒂𝒓𝒈𝒐𝒕𝒔 𝒊𝒏 𝑪𝒓𝒊𝒔𝒑𝒚 𝑺𝒉𝒆𝒍𝒍 ❞
焗連殼食法國田螺 · 估唔到呢度有法國蝸牛食😍 入口爽口彈牙，似食緊螺肉咁，以香草忌廉汁調味，食落個味道完全可以接受到👌🏻 最特別係連殼都食得，店員介紹係用餅乾整成，所以食落幾有層次感👍🏻
❝ 𝑺𝒐𝒖𝒑 ❞
兩款湯都試左，分別係黑松露蘑菇湯、蕃茄蟹肉湯（是日餐湯）。蘑菇湯既黑松露味好突出，味道濃郁，蘑菇已預先打成顆粒狀，所以每啖都食到蘑菇，勁出色🌟 而蕃茄蟹肉湯都好正，以新鮮蕃茄粒熬製，入口creamy，仲食到絲絲蟹肉，真材實料👍🏻
❝ 𝑷𝒂𝒏-𝑭𝒓𝒊𝒆𝒅 𝑭𝒊𝒍𝒍𝒆𝒕 𝒐𝒇 𝑺𝒆𝒂𝒃𝒂𝒔𝒔 ❞
鮮鱸魚柳酸甜香草汁 · 一上菜就香氣十足🥹 鱸魚新鮮美味，魚皮煎得香脆可口，而魚肉十分嫩滑😋 配上酸甜醬汁令人食指大動！
❝ 𝑮𝒓𝒊𝒍𝒍𝒆𝒅 𝑰𝒃𝒆𝒓𝒊𝒄𝒐 𝑩𝒆𝒍𝒍𝒐𝒕𝒂 𝑷𝒐𝒓𝒌 ❞
橡果級黑毛豬肉 · 餐廳用上靚料豬肉，火候控制得剛好，入口鬆化多汁，油脂豐富🤤 店員介紹可伴以新鮮菠蘿肉，中和豬肉之油膩感，非常貼心👍🏻
❝ 𝑩𝒓𝒂𝒊𝒔𝒆𝒅 𝑾𝒂𝒈𝒚𝒖 𝑩𝒆𝒆𝒇 𝑪𝒉𝒆𝒆𝒌 ❞
雜菜燴和牛面頰 · 牛面頰肉係我至愛😍 和牛比起普通牛肉油花更細緻，肉質更加軟腍🤤 經長時間炆煮後軟腍又入味，真係好享受🥹 伴菜都好豐富，有羽衣甘藍、蕃薯蓉、紅蘿蔔、白蘿蔔，飽肚感十足。
❝ 𝑫𝒆𝒔𝒔𝒆𝒓𝒕 𝒐𝒇 𝒕𝒉𝒆 𝑫𝒂𝒚 ❞
精選甜品係一口size既Oreo味慕絲蛋糕，配上新鮮藍莓，感覺輕盈，為豐富晚餐畫上完美句號😋。
Post
