Video
Read full review
2019-12-19
546 views
去到元朗返工，唔太熟周圍有咩食，又好想食壽司，就搵下附近有咩日式餐廳，之後就入左呢間度食午餐。一個人食搭枱唔洗等位，入到去地下有吧枱，樓上再有坐位，都幾乎坐滿。環境都幾有日式居酒屋Feel，夜晚會想坐係度慢慢飲酒傾計。餐牌既午市定食，價錢同款色都好吸引，但由於我好想食壽司，所以揀左壽司定食. 梅 Bai，入面有我鍾意既油甘魚、鱆紅魚、魷魚。幾近坐滿黎講，上菜速度都算好快。首先黎既係麵豉湯，有三文魚肉、豆腐、蘿蔔片。麵豉湯黎講味道算係偏甜。個人鍾意食湯入面既豆腐、蘿蔔同三文魚肉，幾開胃。再來就係好細既沙律，無乜特別。湯差唔多飲完既時候就上茶碗蒸同壽司速度都好快。茶碗蒸做得唔錯，蛋夠滑味道啱啱好，而且夠熱。到主菜壽司，我認為除左海鮮夠唔夠新鮮最重要就係壽司飯。呢間店既飯做得幾好，夾落去唔會好易散開，唔會同刺身還刺身，飯還飯。唔會點完豉油就散左，亦都唔會太實太硬，好似食緊擦膠咁。另外就係飯既味道，壽司醋既份量都適當，有味道得黎唔會太酸，就算唔點豉油就可以就咁食。重有我會睇一間店既Wasabi 係用粉溝定係磨出黎，用粉溝會一Pat野好似醬咁，磨出黎會明顯見到植物既纖維，佢地係磨出黎既，而且都夠
一個人食搭枱唔洗等位，入到去地下有吧枱，樓上再有坐位，都幾乎坐滿。環境都幾有日式居酒屋Feel，夜晚會想坐係度慢慢飲酒傾計。
餐牌既午市定食，價錢同款色都好吸引，但由於我好想食壽司，所以揀左壽司定食. 梅 Bai，入面有我鍾意既油甘魚、鱆紅魚、魷魚。
幾近坐滿黎講，上菜速度都算好快。首先黎既係麵豉湯，有三文魚肉、豆腐、蘿蔔片。麵豉湯黎講味道算係偏甜。個人鍾意食湯入面既豆腐、蘿蔔同三文魚肉，幾開胃。再來就係好細既沙律，無乜特別。
湯差唔多飲完既時候就上茶碗蒸同壽司速度都好快。茶碗蒸做得唔錯，蛋夠滑味道啱啱好，而且夠熱。
到主菜壽司，我認為除左海鮮夠唔夠新鮮最重要就係壽司飯。呢間店既飯做得幾好，夾落去唔會好易散開，唔會同刺身還刺身，飯還飯。唔會點完豉油就散左，亦都唔會太實太硬，好似食緊擦膠咁。另外就係飯既味道，壽司醋既份量都適當，有味道得黎唔會太酸，就算唔點豉油就可以就咁食。重有我會睇一間店既Wasabi 係用粉溝定係磨出黎，用粉溝會一Pat野好似醬咁，磨出黎會明顯見到植物既纖維，佢地係磨出黎既，而且都夠辣。
到壽司上面既刺身，全部刺身都新鮮。三文魚屬於正常水準，因為唔係腩，唔會話特別肥美。想特別講既係赤身、油甘魚、鱆紅魚。我個人係好怕食赤身，因為香港好多地方既赤身都好腥，食到我會即刻吐返出來，會想嘔。佢既赤身放得入口，而且幾香，唔腥。油甘魚、鱆紅魚、帶子都好鮮甜，配埋啱味既壽司飯真係好好味！好滿足！
味道 1.6/2.0
環境 1.6/2.0
服務 1.7/2.0
衛生 1.6/2.0
價錢 1.6/2.0
總分 8.1/10
前菜. 三文魚麵豉湯
39 views
0 likes
0 comments
前菜. 沙律
36 views
0 likes
0 comments
茶碗蒸
36 views
0 likes
0 comments
壽司定食. 梅 Bai
$78
41 views
0 likes
0 comments
Post
