Sweet Point Dessert (Closed)

同朋友在旺角新地標 TOP食完點輕食，再行到隔離旺角中心繼續掃街。行行下聞到好香嘅梳乎厘香味，發現呢間新開甜品小店。 店內貼滿一款款甜品相片，真係難到我果位有選擇困難症的朋友，哈哈!這時候友善的店長，開始推介他們炮製甜品的不同配搭，甜品全都即叫即製。本來想試梳乎厘，但店長對我們說，由於堅持要即打蛋白即製，時間比較長，雖然他知道有其他簡化方法製作，但仍堅持用正宗做法。 由於時間關係，所以我們梳乎厘。店長提意我們試期間優惠，買一送一的雪糕比利時格子鬆餅，如果上埋Facebook打卡，仲送多一球雪糕。仲有提意試佢地原創鹹蛋味Toastie。買一送一性價比高，一球乳酪雪糕，兩球曲奇雪糕，加兩份朱古力窩夫。 乳酪雪糕，比起一般雪糕特別，加上酥脆的窩夫，配搭很不錯。一枝枝荷蘭懷舊小食Toastie，配上近日大熱的鹹蛋味。 金香酥脆，意想不到的好味，真係食唔停口。下次有時間，一定來試招牌梳乎厘。