串本屋 (Closed)

提起渡船街，除左有串燒店，係八文樓果邊有間居酒屋🏮主打日式串燒。支持下用心製作既小店。⭐️前菜 $12固定前菜，蕃茄片配上酸酸地既醋汁幾開胃。⭐️火炙A5黑毛和牛西冷薄燒 $98和牛西冷油花分佈均勻，肉質細嫩，油香十足。店員會係我地面前用火槍燒，醬汁有燒肉汁/壽喜燒汁，跟埋白飯同生雞蛋。⭐️安格斯牛肉壽喜鍋 $148分別有牛肉片、娃娃菜、芝士獅子狗、生雞蛋、魚板、金菇、豆腐、粉絲。湯頭濃郁，牛肉片好軟腍，索晒湯汁好好味。⭐️特選燒鳥盛合8本 $188✿月見免治雞肉棒 ✿日本雞軟骨✿日本雞胸軟骨 ✿日本雞腎✿日本雞皮 ✿日本雞心✿柚子胡椒伴雞肉串 ✿火炙明太子醬伴雞肉串一次過有8款，唔駛左揀右揀。串燒燒到脆卜卜，講下兩款特別d既串燒❶月見免治雞肉棒↠ 啖啖肉好實在，咬落去食到軟骨，沾埋生雞蛋食令口感更滑❷日本雞腎↠肉質爽脆，好好好彈牙。⭐️鹽燒牛舌芯 $42牛舌芯大大塊，口感軟嫩帶嚼勁，肉汁豐富。⭐️蒜蓉燒廣島蠔 (兩隻) $48隻蠔燒完都算幾大隻，蠔肉肥美飽滿，肉質鮮嫩帶有海水味，蒜蓉好香好惹味，呢個價錢絕對抵食。