紅館

餐廳位於中環干諾道中, 室外有太陽傘和座位, 室内裝修優雅, 高樓底更具空間感。由法國藍帶主廚主理, 近來更有六道菜晚市二人套餐, 限時推廣$699, 相當吸引。巴馬火腿蜜瓜沙律巴馬火腿軟滑鹹香, 蜜瓜切片清甜多汁, 爽脆可口, 兩者味道互相配合, 加上新鮮沙律菜, 口感十分豐富。南瓜忌廉湯南瓜味道濃郁, 湯底鮮甜滑溜。香辣低溫慢煮雞胸巴東汁扁意麵扁意麵爽滑彈牙, 雞胸經過慢煮, 腍滑可口, 香辣嘅巴東醬汁相當惹味。紅館薑母鴨原隻鴨腿肉質實滑, 吃起來有嚼勁但不乾澀, 帶有薑和藥膳香味, 配以碟邊嘅果醬, 口感更豐富。茴香魚高湯煮海鱸魚茴香為湯汁提供層次感和濃郁的香味, 海鱸魚肉質細嫩且富有弾性, 魚肉充分吸收湯汁的香氣, 口感加鮮美滑嫩。芒果拿破崙香脆酥皮夾著幼滑嘅吉士和香甜果肉, 清新可口。鮮果芝士撻口感香脆, 又有藍莓果香。冰凍檸檬茶, 解渴清爽。