生生市場 (捷榮樓)

Open Now

Now Closed

位於元朗千色廣場對面嘅生生市場，係由韓國人主理嘅韓式外賣小店🇰🇷 舖頭雖然細細間，但應有盡有，除咗有多款韓國菜式之外，仲有好多韓式拌菜，例如：泡菜、鵪鶉蛋、八爪魚等，價錢仲十分抵食👍🏻📌芝士紫菜飯捲 $48🌯個人鍾意最基本嘅口味，青瓜絲同蘿蔔絲十分清新，再加上黃蘿蔔酸酸甜甜地，同少少芝士嘅鹹香，十分開胃！📌辣炒年糕 $45 🍢傳統韓式甜辣醬炒年糕，唔算好辣。年糕煮得啱啱好，夠煙靭有嚼勁。📌泡菜煎餅 $48 🫓份量都幾多，有少少可惜因為外賣焗腍咗，建議可以用焗爐焗一陣，外皮焗返脆之後會更加香口！📌 甜辣無骨炸雞 （細） $48 🍗有2個size 可以選擇，細份嘅份量都唔少，有6-8嚿。一口一件，無骨啖啖肉，食得好爽！📌 韓式炒粉絲 $45 🥙粉絲爽口彈牙，唔會煮得太腍黐埋晒，芝麻同麻油嘅香氣濃郁，配菜有菠菜、紅蘿蔔絲同香菇，令口感十分豐富！