Angelini意大利餐廳

Open Now

Now Closed

朋友請客去Kowloon Shangri-La既Angelini，好開心！環境清靜，格調高雅，服務周到，係朋友傾計或商務應酬既好地方。相信這個星期係「牛肝菌節」，好多菜式都用牛肝菌為主題。先嚟一籃麵包，麵包係暖和的，有的鬆軟，有的香脆，我們喜愛用cream cheese蘸著熱烘烘的麵包，一食就不能停了，欲擺不能。﹝食完呢餐後先發覺呢籃麵包係今晚既亮點。﹞第二道菜係香煎牛肝菌，菇味濃郗，軟綿綿的，十分開胃健康。再嚟黑白意粉，外表係一個白色既牛油紙盒，非常特別，一打開紙盒就香氣四溢，熱辣辣的，意粉質地適中，煙靱彈牙，不太硬也不太軟，吸收了清甜的海鮮汁，啖啖鮮味，唯分量比較少。之後嚟香煎羊架，羊肉唔羶，肉質嫩滑，但香草汁不太配合，都係薄荷汁好D。甜品係雪皅，味道微酸，口感清新，幫助消化，配上兩條杏仁脆片，配搭得宜。最後係香濃的朱古力和酸甜的紅莓果撻，為這個意大利餐劃上了句號。