Domon 居酒屋 (淘大商場3期) (Closed)

係淘大商場做完gym同gym友去搵嘢食，行過啲間居酒屋日本料理店舖門外好擠擁、原來好多食客係度等入座，啲間店啲食物一定有水凖。店門外牆用木質料襯托大玻璃窗，感覺高尚格調。入面中間位置又係用木質料寫上食物嘅Menu，牆壁上掛咗多款日本畫，尤如置身係日本🇯🇵。醬油川海老好特別嘅菜式名，原來係用油爆好啲🦐仔，用秘製醬汁烹調，入口感覺脆卜卜，味道濃郁好鮮味，連蝦殼都食埋,呢味夠晒有鈣質。燒免冶雞棒串煎到好香口，入口感覺有啲雞軟骨，爽口有爵勁。燒粟子薯可以一次過食到栗子同番薯嘅味道，香甜煙煙靭靱。燒廣島蠔肥美好鮮甜。豚角煮沾汁拉麵，配有半邊糖心蛋，有好多筍條，另有一碗味噌濃郁湯，舊肉油香豐腴，麵好彈牙有口感，。北海道牛油拉麵配有豚肉、雲耳、粟米同半邊糖心蛋，肉質嫩滑甘香，拉麵好煙靱爽口。今次發現呢間優質居酒屋响做gym樓下,以後做完gym唔洗周圍搵嘢食，可以同gym 友再嚟食👏🏻。