Video
Read full review
2016-11-21
3147 views
難得豪氣！先講少少，自己日本蟹就食過好多款，老實講毛蟹（今餐主角之一！）都係第一次有機會試下，原來毛蟹係一年四季食都鮮味多肉，只係唔同時間會有唔同食法，如果係天氣凍時會多的蟹膏，而夏天係毛蟹產卵期會特別肥美，所以大家唔需要同食其他蟹咁考慮係咪當造先黎食呢個問題。呢間餐廳有唔同既日本料理既，如刺身、串燒同shabushabu等，再配以其他唔同級別既和牛、黑豚肉或海鮮，如果你都唔知自己想食咩可以叫：“OMAKASE”(日文意思廚師發辦)。而最後我唔係咁想食甘多都係海鮮，於是就叫左北海道活毛蟹加鹿兒島黑豚火鍋二人餐。係黎到餐廳之前完全冇諗過食毛蟹，我都係返到屋企上網睇先知四季食都可以餐廳內唔少係吧枱，一人一鍋。刺身櫃係食火鍋前有個前菜，見到就諗起可以用黎玩食物BINGO(睇得多綜藝，哈哈)，。可以講前菜絕不馬虎，擺得靚靚，睇見都想食！每一樣食物都適合做開胃小食，各式口感、味道、酸酸甜甜都有，比較喜歡放中間既魚同海帶，都係好有口感。魚湯湯底一人一鍋，衛生、方便，又可以揀自己鍾意既湯底好香魚味，同好濃，好似呀媽煲果啲湯！到食火鍋時有種不知從何入手既感覺，好彩店員好好人，佢每樣講少少，例如黑豚肉唔
呢間餐廳有唔同既日本料理既，如刺身、串燒同shabushabu等，再配以其他唔同級別既和牛、黑豚肉或海鮮，如果你都唔知自己想食咩可以叫：“OMAKASE”(日文意思廚師發辦)。而最後我唔係咁想食甘多都係海鮮，於是就叫左北海道活毛蟹加鹿兒島黑豚火鍋二人餐。係黎到餐廳之前完全冇諗過食毛蟹，我都係返到屋企上網睇先知四季食都可以
餐廳內唔少係吧枱，一人一鍋。
刺身櫃
係食火鍋前有個前菜，見到就諗起可以用黎玩食物BINGO(睇得多綜藝，哈哈)，。可以講前菜絕不馬虎，擺得靚靚，睇見都想食！每一樣食物都適合做開胃小食，各式口感、味道、酸酸甜甜都有，比較喜歡放中間既魚同海帶，都係好有口感。
魚湯湯底一人一鍋，衛生、方便，又可以揀自己鍾意既湯底好香魚味，同好濃，好似呀媽煲果啲湯！
到食火鍋時有種不知從何入手既感覺，好彩店員好好人，佢每樣講少少，例如黑豚肉唔好放超過十秒，果然，肉質好有彈性，一啲都唔韌。唔洗點醬都好有肉味，食落口時啖啖肉既感覺好正。
而今次主角毛蟹，黎到時真係嘩一聲，好大只，而且隻蟹肉質嫩滑，好新鮮，比想像中多肉。蟹殻好薄好似透明咁，蟹肉真係同最近食大閘蟹既口感完全唔同，比較滑，鮮甜，建議唔點醬直接食先食到蟹肉本身味道。餐廳會幫手處理好蟹殻，切開晒，到你食時非常方便，當然我挖蟹肉都好易同好乾淨。
套餐會有一籃菜，各式各樣，清一清腸胃
最後，聽店員講將蟹蓋連蟹膏再放烏冬一齊煮，咁樣烏冬索晒湯底味道非常好味。正正正！
甜品綠茶奶凍，配十勝紅豆
唔太甜，奶凍滑溜，紅豆棉，以呢個作為今餐既完結！
場內唔少都係熟客，同師傅都好好傾，好有人情味既感覺！
Post
