西餐大排檔 (Closed)

今晚朋友話帶我去銅鑼灣大排檔食晚飯，去到渣甸中心上七樓，一出就見到以黑白懷舊的畫做牆身，旁邊放著小型花牌，門口已經用了會變色的LED燈做招牌，原來係"西餐大排檔"，非常吸引。我地坐下便開始點菜。黑松露煮日本年糕 $98 - 送上檯時已傳出陣陣濃厚的黑松露味，以忌廉汁混合黑松露煮日本年糕，特出了黑松露味好香且濃，忌廉汁只是配襯，年糕煙煙靱靱一啲都唔漏，食完齒夾內仍有黑松露的味道。燒法國羊T骨 $168 (6成熟) - 牛T骨扒食得多，羊丅骨算係第一次食，原來羊T骨好似牛T骨一樣，一面是肉眼，另一面則是西冷。我分不清那邊是肉眼，那邊是西冷，只係知道有羊的肉香和滑，切開很厚實，六成熟又不會切到血淋淋，羊沒有太大羶味，如果嫌羶味重，可以沾上秘製醬汁。無骨黑毛豬扒焗飯 $138 - 黑毛豬厚身和身，唔覺"鞋烚烚",有好香的豬肉味，加上芝士更加濃味，可惜飯沒有飯香味，令這碟扣分。整體環境不錯，乾淨舒服，食物質量也控制得很好..