Video
Read full review
2022-08-20
3690 views
由嗅覺延伸到視覺，繼而再到味覺。潤嘅點心走新派創意路綫，高檔材料入饌，精緻嘅賣相及細膩嘅味道，廚師巧手製作為食客帶來味蕾享受及驚喜。服務員態度殷勤有禮，聲線柔和，對客人有眼神接觸。每一道食物送上枱時都會詳細介紹。時時留意客人需要，斟茶勤快，換碟次數亦剛好，唔會令客人覺得騷擾。餐廳嘅裝修柔合高貴優雅與時尚現代感。室內光線充足，陽光灑進室內，令人坐得舒適寫意，氣氛放鬆。🍅蕃茄濃湯牛肉球 $128 - 牛肉球質地鬆軟，配上鮮蕃茄濃湯，味道鮮甜，中和牛肉球嘅油膩感覺同時亦提升肉香。🐟四喜鱈魚果 $98 - 鱈魚果入面除咗有鱈魚之外，仲有鹹魚碎及馬蹄粒，包含住意想不到嘅鮮味。🥬八寶如意素餃 $88 - 有菇菌、藜麥同埋紅蘿蔔，蔬菜配搭鮮甜，口感清新輕盈。🦀香茜蟹肉餃 $88 - 外皮柔靭而且金光閃閃，十分可愛☺️淡淡芫荽香襯托出絲絲蟹肉嘅鮮甜。🦪脆皮鮑魚腸粉 $168 - 腸粉有米香，軟滑柔嫩。薄薄一層脆漿包住一片有少許黏著牙齒感覺嘅鮑魚，一啖有齊三種口感。🍤韭黃鮮蝦煎腐皮卷 $128 - 腐皮新鮮，有豆香。外皮煎得金黃香口，韭黃嘅香同爽，配上蝦仁嘅彈，滋味滿載。⭐️麻辣海參山竹果 $98 - 紫色
服務員態度殷勤有禮，聲線柔和，對客人有眼神接觸。每一道食物送上枱時都會詳細介紹。時時留意客人需要，斟茶勤快，換碟次數亦剛好，唔會令客人覺得騷擾。
餐廳嘅裝修柔合高貴優雅與時尚現代感。室內光線充足，陽光灑進室內，令人坐得舒適寫意，氣氛放鬆。
🍅蕃茄濃湯牛肉球 $128 - 牛肉球質地鬆軟，配上鮮蕃茄濃湯，味道鮮甜，中和牛肉球嘅油膩感覺同時亦提升肉香。
🐟四喜鱈魚果 $98 - 鱈魚果入面除咗有鱈魚之外，仲有鹹魚碎及馬蹄粒，包含住意想不到嘅鮮味。
🥬八寶如意素餃 $88 - 有菇菌、藜麥同埋紅蘿蔔，蔬菜配搭鮮甜，口感清新輕盈。
🦀香茜蟹肉餃 $88 - 外皮柔靭而且金光閃閃，十分可愛☺️淡淡芫荽香襯托出絲絲蟹肉嘅鮮甜。
🦪脆皮鮑魚腸粉 $168 - 腸粉有米香，軟滑柔嫩。薄薄一層脆漿包住一片有少許黏著牙齒感覺嘅鮑魚，一啖有齊三種口感。
🍤韭黃鮮蝦煎腐皮卷 $128 - 腐皮新鮮，有豆香。外皮煎得金黃香口，韭黃嘅香同爽，配上蝦仁嘅彈，滋味滿載。
⭐️麻辣海參山竹果 $98 - 紫色及綠色酥皮，造型如山竹一樣。味道層次豐富，口感酥脆，海參餡料麻麻香香，少許辣，十分有創意。
🥠娘惹香辣鹹水角 $88 - 鹹水角做成細細個青蘋果般，仲有一片樹葉形薯片墊底，的骰可愛。酥皮煙韌微甜，調味用上娘惹醬汁，辣得有層次，風味特別。
🦞海苔龍蝦春卷 $168 - 龍蝦肉大大粒，鮮甜彈牙，成條春卷都十分飽滿紮實。海苔粉替春卷增添海洋鮮味。有別於一般春卷皮，呢款春卷用窩夫做外皮，所以特別脆，不過我覺得硬咗少少。
🐮錦繡球黑椒和牛酥 $138 - 和牛酥做成繡球型狀，黑色及金黃色酥皮相間，手功細緻。黑椒和牛餡料香辣惹味。
🦐筍尖蝦餃 $98 - 外型既晶瑩剔透又飽滿，唔多唔少，啱啱好13摺均勻嘅紋理，盡顯師傅手藝。咬一啖之後，有湯汁緩緩滲透出嚟，一個人食晒一籠都唔過分。
🦀蟹子鮮蝦燒賣 $98 - 有原隻鮮蝦，豬肉亦香滑，熱辣辣，係一隻傳統好食嘅燒賣。
🍚鮑粒鮮蝦福建炒飯 $368 - 如果有鴛鴦炒飯同福建炒飯俾我揀，我一定係揀鴛鴦炒飯。雖然兩個都係有芡汁嘅炒飯，不過我之前食到嘅福建炒飯個芡汁都只係似蠔油加生粉水，印象麻麻。但係今次潤嘅呢個福建炒飯，飯粒分明，乾身有鑊氣，芡汁濃稠剛好，材料新鮮，口感豐富，令我對呢一款炒飯有所改觀。
最後送上嘅甜品有🦋蝶豆花椰汁糕同💚開心果曲奇。蝶豆花椰汁糕顏色夢幻閃爍，椰汁味香濃之餘口感帶少少彈牙。開心果曲奇新鮮焗起，牛油味重，非常鬆化，我直頭想買一打返屋企食😋
總括嚟講，一分錢、一分貨，潤嘅價錢比一般酒樓高，不過食物質素、服務及環境全屬高水準。如果想食一餐稱心滿意嘅點心，我一定會選擇呢度💖
77 views
2 likes
0 comments
101 views
1 likes
0 comments
65 views
0 likes
0 comments
56 views
0 likes
0 comments
63 views
1 likes
0 comments
50 views
0 likes
0 comments
41 views
1 likes
1 comments
34 views
0 likes
0 comments
23 views
0 likes
0 comments
21 views
0 likes
0 comments
18 views
0 likes
0 comments
20 views
0 likes
0 comments
Post
