Video
Read full review
2009-10-26
84 views
約左位同樣是識飲識食的朋友仔出來, 今次地點由她決定, 恰巧一門都是我其中一間想試的餐廳。本身想訂7:30, 但要9:00交枱, 因為不想太趕, 所以訂左bar枱, 無限時交枱, 大家要去的話記緊訂定位先。成間餐廳都好黑暗, 只有很微弱的燈光, 入座時看不見門差點檻跌低。本想問侍應要茶, 但原來要收$15壺, 決定叫飲品。 柚子梳打燒酌$36: 平時都好少飲含酒精成份的飲品, 入口真的有少許酒味, 對於不飲酒的我都不難入口,最底有些柚子蜜,飲到最後都不會變淡哂。 蟹肉厚燒玉子$50: 絕對不能不叫,另有海膽、原味、葱、蝦等味。蟹肉很鮮甜, 玉子甜甜地而且好鬆軟, 感受到佢彈下彈下咁, 記得很久之前吃過一件極甜又實的玉子壽司, 令我不敢再試。坐bar枱有樣好就是見到師傅係在面前煮東西, 真是密密整未停過手, 煎好之後又會用個模印個logo係蛋面。 東洋卷 $48: 這個又是值得推介, 外面是軟軟的班戟皮, 甜甜的帶蛋香, 包住好creamy的牛油果、肥美的鰻魚、同埋滿有咬口的蟹子, 仲有少量沙律醬,真是意想不到咁夾, 但價錢可不便宜, 廿多塊一件。 燒牛舌 $25: 原來朋友仔也愛
柚子梳打燒酌$36: 平時都好少飲含酒精成份的飲品, 入口真的有少許酒味, 對於不飲酒的我都不難入口,最底有些柚子蜜,飲到最後都不會變淡哂。
蟹肉厚燒玉子$50: 絕對不能不叫,另有海膽、原味、葱、蝦等味。蟹肉很鮮甜, 玉子甜甜地而且好鬆軟, 感受到佢彈下彈下咁, 記得很久之前吃過一件極甜又實的玉子壽司, 令我不敢再試。坐bar枱有樣好就是見到師傅係在面前煮東西, 真是密密整未停過手, 煎好之後又會用個模印個logo係蛋面。
東洋卷 $48: 這個又是值得推介, 外面是軟軟的班戟皮, 甜甜的帶蛋香, 包住好creamy的牛油果、肥美的鰻魚、同埋滿有咬口的蟹子, 仲有少量沙律醬,真是意想不到咁夾, 但價錢可不便宜, 廿多塊一件。
燒牛舌 $25: 原來朋友仔也愛牛舌的, 每人要了一串, 還以為切厚粒, 咬落不算好韌, 幾爽, 夠味, 加埋七味粉更加惹味。
鐵板帶子蝦煎餅: 我覺得似韓式煎餅,用鐵板上夠哂熱辣。吃到尾都還是暖暖的, 煎餅外層特別係邊位好香脆, 中間心包住帶子粒、蝦肉、椰菜, 都唔錯, 我自己鍾意點醬汁吃,酸酸甜甜的。
燒蜆鍋: 有兩種菇, 一種係本菇, 蜆肉幾鮮甜, 唔韌, 幾清淡的一道菜。
炸芝士: 見到芝士就會兩眼發光的我忍不住不叫呢! 一客有四件, 炸漿咬落不覺硬身, 不像之前係tony roma's 個種炸芝士條般實, 較鬆脆, 但一定要趁熱吃先好, 否則拉不成絲了。
賣單差不多$430, 雖然貴但食物實在太吸引, menu上有很多款式都想試, 絕對有再來的機會。
Post
