Video
Read full review
2021-08-27
4002 views
其實我生日都過咗一段時間🎉，嗰陣食咗唔少高質素餐廳，其中一間我認為值得動筆介紹一下嘅，就係位於銅鑼灣百樂中心嘅「Chez Bistro」。百樂中心可算係一幢美食大樓，各國菜式你都可以喺呢度搵到😃，但可惜樓層面積唔大，未必每間餐廳都裝修得好靚。不過Chez Bistro相反，佢竟然可以打造到一個富有空間感嘅環境，牆身油上粉色，掛上油畫以及配上白色窗框，別具氣派🖼。餐牌選項唔多，主打五道菜晚餐🍽，另外仲有啲小食可以額外選配。晚餐定價由$280至$420不等，分別源自於個主菜。喺上第一道菜之前，店員會為我哋送上麵包🥖，佢拎住個籃出嚟夾俾我哋，好似有三款揀。前菜：法國煙鱔·紅菜頭酸忌廉沙律，本身聽見鱔就不感興趣，但佢嘅味道絕對係意想不到的！🐟煙鱔肉身白𠽌𠽌，有啲似茄子肉，食落散發住一種獨有嘅煙燻鹹香，令人回味無窮。底部嘅紅菜頭沙律同樣幾特別，酸酸甜甜好開胃，而且一粒一粒的，好有咬口。前菜：香煎法國自然放養鵝肝伴焦糖蘋果砵酒汁，其實簡單啲講佢即係煎鵝肝，哈哈。呢件鵝肝就OK啦，好味嘅，但唔算特別出色，因為未完全達到入口即溶嘅效果，再者，🍷砵酒醬汁味道較重，有點遮蓋咗鵝肝本身嘅香氣。法國洋蔥牛肉湯
百樂中心可算係一幢美食大樓，各國菜式你都可以喺呢度搵到😃，但可惜樓層面積唔大，未必每間餐廳都裝修得好靚。不過Chez Bistro相反，佢竟然可以打造到一個富有空間感嘅環境，牆身油上粉色，掛上油畫以及配上白色窗框，別具氣派🖼。
餐牌選項唔多，主打五道菜晚餐🍽，另外仲有啲小食可以額外選配。晚餐定價由$280至$420不等，分別源自於個主菜。
喺上第一道菜之前，店員會為我哋送上麵包🥖，佢拎住個籃出嚟夾俾我哋，好似有三款揀。
法國煙鱔·紅菜頭酸忌廉沙律
41 views
0 likes
0 comments
前菜：香煎法國自然放養鵝肝伴焦糖蘋果砵酒汁，其實簡單啲講佢即係煎鵝肝，哈哈。呢件鵝肝就OK啦，好味嘅，但唔算特別出色，因為未完全達到入口即溶嘅效果，再者，🍷砵酒醬汁味道較重，有點遮蓋咗鵝肝本身嘅香氣。
法國洋蔥牛肉湯
27 views
0 likes
0 comments
日本白桃雪葩，食完前菜、飲完湯，就係時候清清味蕾，準備迎接跟住落嚟嘅主菜。雪葩當甜品食就食得多，但作為間場就比較少見，🍑白桃味好香，甜甜哋，係口腔內易適應嘅味道。
慢煮香煎美國黑豚肉配龍蘘草汁
$360
36 views
0 likes
0 comments
主菜：慢煮香煎美國黑豚肉配龍蘘草汁($360)，我一向認為豬扒唔會好食得過牛扒，但今次竟然例外。🐷慢煮香煎黑豚採用豬鞍扒，厚度接近2 cm，食落滿有咀嚼感，並以慢煮嘅方法烹調，全件都煎得好均勻，令肉質保持嫩滑。豬扒冇任何雪味，反而有一種平日食唔到嘅香氣😋。
炭燒美國和牛肉眼扒配紅酒汁
$420
28 views
1 likes
0 comments
主菜：炭燒美國和牛肉眼扒配紅酒汁($420)，雖然呢件牛扒不及豬扒出眾，但其實都整得好好食，廚師控制生熟度得宜。🥩肉眼扒外層帶有炭燒嘅香味，而內裏就能鎖住肉汁，滲出牛香🐮。另外，配菜有一嚿燒蕃茄同一塊自家製薯餅，後者好好味道，啱晒我呢個薯仔控。
焦糖日本雞蛋牛乳布丁
27 views
0 likes
0 comments
芒果拿破崙
36 views
0 likes
0 comments
飲品方面，我哋叫咗凍檸茶同熱咖啡☕️，佢哋係全晚最普通嘅部份，但嚟到呢一刻我已經好滿足。
總括嚟講，呢頓五道菜晚餐好高水準🌟，定價唔平，但佢絕對對得住個價錢。套餐內容豐富，由前菜食到甜品，用餐過程好完整。再加上呢度氣氛舒服，我相信會係一個慶祝約會嘅好地方。
Post
