Chez Bistro (Closed)

位於銅鑼灣嘅餐廳，地點方便而且店員服務態度唔錯。裝修亦都幾靚，而且因為餐廳嘅格調好好，所以侍應嘅禮貌都好有禮。紅石榴，中東米，北海道帶子，櫻花蝦幹配以芥末蜜糖汁嘅沙律非常特別，開胃而且鮮味。另外我哋都叫咗生蠔同海鮮嘅拼盤。生蠔鹹味足夠而且有少少海水味。白菌忌廉湯，湯的濃度剛好，非常多嘅菇菌係入邊，用咗不少材料。西班牙羊膝，賣相吸引沒有羶味肉質非常嫩，肉眼排同樣沒有膩感，而且肉味足夠，兩樣主菜嘅份量都剛好，呢樣亦都係非常重要將每種食物做到平衡。拿破崙蛋糕伴碟有心思，意大利芝士杯軟滑而且味濃。