淼ひよう壽司日本料理 (Closed)

這間日本料理真係值得推介，除了食物質素高，價錢適中同服務好之外，重點係有誠意，雖然店鋪細細，食物一點都唔馬虎。因為新開幾個月，又無搵雜誌做宣傳，應該暫時都係附近吃開熟客多。店員同老闆都好nice，上每道菜都會同你講解(當然唔係太忙的時候啦！)，我都有主動問，佢地都好耐心解答。☺一夜乾燒魚$88(必吃推介)👍👍👍老闆介紹係師傅親自挑選新鮮馬友，返來親自開肚、醃製、風乾才可以做到肉質咁嫩，鹹度剛剛好，外皮脆啵啵，我同朋友連🐠骨都吮埋，喜歡吃🐠的一定要試。淼魚生丼$98(鮮味十足)😋😋大大片厚切魚生，再加大大粒三文魚籽，超級滿足，而且壽司飯一吃就知係用靚日本米，有黏性得來軟硬適中。鯛魚奶湯$48(勁膿味)外面好少可以飲到鯛魚湯，真係好好飲，配料都幾豐富。牛油果軟殼蟹卷$98這是我的最愛，每次吃日本嘢都會叫，雖然唔特別，但味道有驚喜，軟殼蟹好脆，配上脆啵啵鯡魚籽，餡同飯比例啱啱好，讚!👍👍總結，整個晚餐都好滿意，雖然係小店，但味道一點都唔會比排長隆人氣店差，價錢適中，午餐還有套餐，更加抵吃。