茶涮涮 (Closed)

Lunch time同同事過黎銅鑼灣fashion walk street後面既茶涮涮，同事話上次佢同老公晚餐過黎食火鍋，覺得海鮮好鮮甜多肉，所以今次特吃介紹我同佢lunch time過黎一齊食。我同同事分別叫左照燒日本元氣走地雞定食 $138🤝，銅鑼灣呢個地段黎講比其他日式餐廳價錢便宜。講下佢嘅漬物先，漬物加左芝麻令到成個漬物非常香口， 味道又岩岩好唔會太濃～～🙃 仲有佢個蟹肉沙律， 啲菜新鮮爽口，而且蟹肉鮮甜～～😚😚 和牛味噌湯係超越左普通日式餐廳既味噌湯，佢既湯加入左和牛去製作， 味道濃郁相信用咗唔少時間同功夫去製作，性價比非常高！😍主菜照燒日本元氣走地雞雞肉嫩滑， 配上芝麻香味， 令到雞肉味道更上一層樓！咬落去既時候，雞汁流出再配上少許雞皮與雞肉之間既油分，簡直係人間美食！整體餐廳環境舒適衛生，店員親切友善，加上食材優質用心製作，食完立即同同事約定聽日要再黎試佢既手製鰻魚定食😙