陳儀興牛什粉麵 (鴻祥大廈)

Open Now

Now Closed

陳儀興是近排食過最好味嘅牛腩粉麵，重點係食完一啲都唔會覺得口乾口渴，代表唔會太多味精。味道適中，唔會偏鹹或淡。份量亦都算多，尤其是淨食崩沙腩，一大碟，一啲都唔孤寒，自己買自己炆都未必做到咁嘅價錢。豬手炆得好淋好入味，麵質爽口彈牙，湯底清甜帶有芹菜和蔥的香味。佢嘅檸檬茶都做得唔錯，茶色好清澈，檸檬夠多，唔會話好混濁咁嘅款。粉麵檔就唔可以要求有好華麗嘅裝修，不過呢度嘅裝修都幾企理，有少少老香港嘅style，環境清潔，夥計有笑容，你食豬手亦都會主動俾隻碗你放骨頭。見到我哋兩個人食一個淨牛腩一個粉面，唔需要問都識得拎碗仔俾我哋。淨崩沙腩套餐，連油菜同埋飲品$165南乳豬手麵套餐，連埋油菜/炸魚皮和飲品$60炸小食拼盤$40牛腩同豬手真係好好食，一定要再嚟。