究極堂 (永光中心)

Open Now

Now Closed

食過天后分店就好中意，原來銅鑼灣都有就即刻約朋友去食，水準同樣高汁，先點左巨峰提子酒，甜甜的容易入口，而家有清甜的提子味，朋友嗌左久家本店果物家族桃酒，果汁燒酌，我哋都係中意甜酒飲得舒服，同時有少少酒既刺激感，主食除左必點海膽右口魚邊蝦卷、炙燒右口魚邊醬油漬壽司、炙燒三文魚壽司外，佢哋熟食都超好食，芝士鰻魚玉子燒，真係半流心效果，蛋醬非常滑溜，配鰻魚既甜味係完美，芝士同木魚就加添點鹹香。此外，黑蒜濃湯豬軟骨烏冬都係令我想再回頭食，豬軟骨熬得非常稔，近乎入口即溶，而且肥肉同瘦肉分佈平均，質感一流，主角係個黑蒜湯底真係好濃郁，好耐冇食到咁惹味既黑蒜油湯底，日本烏冬更加正，吸左湯底配烏冬煙韌彈牙口感，勁滿足我呢個烏冬粉絲！朋友點既滑蛋吉列日本黑豚飯同樣出色，滿滿的好足料，吉列黑豚即使炸完依然保持到肉質濕潤，洋蔥滑蛋撈飯都好好食，成餐飯係大幸福☺️