喜喜冰室 (Moved) New Location

喜喜我都成日黎，次次食完都唔願打食評，因為懶而且又好似無咩好寫。不過今次我要掟起心肝寫一寫因為佢既食物的質素真係唔錯。上次見雜誌介紹佢的西多士，賣相超吸引，真係一試難忘。佢的西多士係煎而唔係炸，而且兩片麵包夾得緊，唔似其他快餐廳個d過淋，中間又有個洞，加上蛋漿內加入橙汁，無咁肥膩，食的時候當然唔少得糖漿啦，好好味呀。今次我試左個黑白多士，見到食評有我先識得叫，黑色其他係芝麻醬，白色就係煉奶，兩隻醬我都鐘意食不過效果無西多士咁震撼，都ok既。B仔鴛鴦又係貪得意想試，其實係好立克+阿華田，面頭放上一粒棉花糖，感覺有趣，不過有d甜。雞脾沙律係我常食的item，雞脾因為經過隔夜風乾的關係，收哂水，炸起上黎d皮可以好脆，而且腌得夠味，正呀。下次記得要試下佢個熱狗，賣$12，相比起其他食物的售價算平喇。