胡爐 (Closed)

人越大越少去任食火鍋，寧願單點貴少少，但有個靚湯底同靚料好過。 見朋友黎試過火焰龍蝦海鮮鍋評價唔錯，今晚就跟風約朋友一聚。鮮椰青雞鍋 ($298)期待已久既火焰湯底會有專人即席製作，先用牛油炒香雞件同椰子片，點火增強香味後，最後加入椰子汁同上湯熬至滾燙，未食已經睇左場表演咁，令人食指大動。 忍唔住一人先飲一碗雞湯，夠哂鮮美清甜，淡淡椰香味好清新，雞件亦幾嫩滑。飛驒和牛肉眼A5 ($338) 小油花滿佈A5和牛表面，口感如想像般腍滑甘香，由於夠大塊厚切，雖然肉味未算極濃都好滿足，份量再多d就好喇。 值得一讚湯底同靚料可謂相得益彰，唔洗點咩醬都好夠味。蟹籽蝦丸 ($52) 半份夠哂爽口彈牙有啖啖蝦肉，本來覺得熟左既蟹籽賣相一般，咬落原來依然卜卜聲，雙重口感好正。黑松露鮮蝦雲吞 ($58) 半份原隻鮮蝦同大量黑松露醬包成雲吞，有乜理由唔好食丫。 好欣賞呢度即使係丸類餃子等全部選用最新鮮既材料自家製，簡簡單單就好好味。 略嫌半份只有四粒，定價進取左少少。深海龍躉片 ($148)平心而論係新鮮既，可能取自較大型既龍躉，滑度同魚味都不過不失，勝在厚切又夠多。豆腐 ($38)、冬瓜片 ($48)、皇