Video
Read full review
2024-09-06
409 views
呢間店我係第二次黎食。第一次，我食嘅係沾麵，而我嘅食評主要話："呢個沾麵萬事俱備，只係過鹹"，結尾我亦話："正因為味道相常唔錯，我下次會再試下湯麵類"好喇，今日又有機會出擊 👊背脂煮干拉麵🍜香味 (4.5/5) - 非常香，我用力聞左幾吓，每次都係咁強烈！麵條 (4.5/5) - 太麵，即係粗麵，小捲曲，我選擇左較硬。呢個麵相當有咬口，煙韌，而有麵香。湯頭 (5/5) - 呢個湯令人眼前一亮，料頭夠晒濃味而唔會過鹹，蔬菜甜味亦充足。背脂方面，其實我唔係太感覺到，可能背脂嘅存在意義就係增加香氣吧了。原先我係衝住煮干湯而來，因為打正旗號做煮干湯嘅店非常少。背脂呢，我就本身係唔太好嘅，反而仲有少少抗拒，怕會太油膩，點知飲左啖湯之後，以上擔心一掃而空。特別想話，煮干嘅味道非常好，就算撞埋醬油同背脂都好，煮干仍然係個主角。配料 (5/5) - 有兩種叉燒，一係用左五花腩肉嘅切片叉燒，算高質，明顯燒過提升香味，稔！二係用豬肩肉，口味較扎實嘅切片叉燒，高質之餘，仲有驚喜！佢應該加左柚子，食落有一陣清新嘅味道！溏心蛋亦相當出色，夠味而唔會太鹹，蛋黃部份生熟程度無懈可擊！之點解我話呢碗麵高潮一浪接一浪，
好喇，今日又有機會出擊 👊
背脂煮干拉麵🍜
背脂煮干拉麵🍜
$88
44 views
0 likes
0 comments
麵條 (4.5/5) - 太麵，即係粗麵，小捲曲，我選擇左較硬。呢個麵相當有咬口，煙韌，而有麵香。
湯頭 (5/5) - 呢個湯令人眼前一亮，料頭夠晒濃味而唔會過鹹，蔬菜甜味亦充足。背脂方面，其實我唔係太感覺到，可能背脂嘅存在意義就係增加香氣吧了。原先我係衝住煮干湯而來，因為打正旗號做煮干湯嘅店非常少。背脂呢，我就本身係唔太好嘅，反而仲有少少抗拒，怕會太油膩，點知飲左啖湯之後，以上擔心一掃而空。特別想話，煮干嘅味道非常好，就算撞埋醬油同背脂都好，煮干仍然係個主角。
配料 (5/5) - 有兩種叉燒，一係用左五花腩肉嘅切片叉燒，算高質，明顯燒過提升香味，稔！
二係用豬肩肉，口味較扎實嘅切片叉燒，高質之餘，仲有驚喜！佢應該加左柚子，食落有一陣清新嘅味道！
溏心蛋亦相當出色，夠味而唔會太鹹，蛋黃部份生熟程度無懈可擊！
之點解我話呢碗麵高潮一浪接一浪，除左以上拉麵最重要元素之外，佢仲加埋洋蔥，青蔥同木耳絲，帶來爽脆清新口感，連埋d麵，一啖過park入口，好過癮！
整體 - 值得推薦 👍👍👍👍👍
Other Info. :
呢碗麵，我係完全食晒兼且湯都飲晒，仲有d意猶未盡，呢個先係一碗好嘅拉麵嘅終極標準 🎯。
(The above review is the personal opinion of a user which does not represent OpenRice's point of view.)
Post
