大班樓

Open Now

Now Closed

呢間出曬名中菜天花板而且好難book嘅米之蓮一星餐廳，今次就同朋友慶祝生日。我地早咗3個用book咁我地平衡每人消費係$1400。 環境方面就一定靚，仍然唔係有咩海景。但係個環境都夠舒適。而且服務都唔差，每一樣食物都會同我哋分好晒，再起菜。食物方面，水準係高嘅，所有肉質都處理得好好，保留到嘅肉汁。就好似前菜嘅乳鴿，佢嘅煙熏味好香，而且食落去係好多汁，一啲都唔乾。排骨都一樣鎖住咗肉汁喺入面。唔似出邊食嘅整到好乾。另外招牌嘅花雕蟹，都係好食嘅，佢嘅汁嘅花雕味超級濃。唯一唔好食嘅就係一碟魚嘴。佢依個部位係有好多啫喱狀嘅肉，而且肉質都係超級軟腍。但係入邊係有好多細骨或者碎骨。搞到食落去腍得來但係突然間又有骨會拮拮你咁。一味係成個套餐最差嘅一碟我認為。