鮨蕾 (Closed)

呢間位於銅鑼灣嘅日本餐廳主打創意刺身，今次嚟食omakase，我同友人揀咗楓 $850/1位。一坐低，店員就遞上餐廳自製嘅炸蕃薯片，平時只會喺泰式餐廳一坐低有蝦片食，喺日式餐廳有咁嘅小食真係第一次😆，蕃薯片好薄身，炸得香脆。前菜 胡麻醬菠菜雞絲、特製甜蛋、南瓜，甜蛋好似糕點咁，佢係分開咗蛋白同蛋黃咁處理，食起上嚟有兩重味道。旬の刺身2点 刺身擺盤好精美，好似藝術品咁，刺身有鱆紅魚同埋海膽拖羅，鱆紅魚點上酸汁嚟食，味道清爽，海膽拖羅就又肥美又creamy，入口即溶，兩種刺身截然不同，係好有趣嘅配搭。伴碟嘅花草都有來頭，分別係日本小黃菊同芬蘭香草。焼き物 銀鱈魚西京燒，魚煎得香嫩，西京燒調味適中，個人鍾意再甜多少少。旬の寿司6貫 鮫鰈魚油份較重，食落口感煙韌，配上Wasabi漬食用，提升鮮味。醬油漬赤身完全無筋，魚味濃郁。鮫鰈魚邊，炙燒過後逼出油份，係另一款同樣好食嘅做法。用赤醋製成嘅醋漬鯖魚，配上白昆布，肉質結實，重魚香。熟成拖羅係呢到係招牌，拖羅顧然重油香，經熟成處理後連魚香都兼顧埋，贏哂。海膽，非常非常creamy，而且好鮮，紫菜又夠脆。海鮮焗蛋，佢口感係好似剛剛蒸好喺馬粒糕咁，但其