Video
Read full review
2024-10-20
764 views
話說之前都有睇開YT有channel介紹呢間素年，睇過佢既裝潢都幾清新，同一般的素食店形象比較下好特別，覺得呢間餐廳真心唔錯。餐廳裝修偏文青cafe feel，出面有幾個位可以俾客人坐低慢慢嘆下杯咖啡。裡面環境都幾幽靜好chill，牆邊放左一個大的書架，上面有好多書本之外，亦都有好多本地農夫整既產品，如果想支持下本地農夫都可以順便買埋既~餐品種類都幾多選擇乜都有啲，餐牌圖文並茂所以都唔難理解內容，菜名仲會仔細介紹裡面有啲咩食材，有啲對堅果過敏或其他食物過敏既朋友可以放心用餐。另一半胃口比較大啲，我地點左一份菠菜忌廉汁帶子意大利粉、一份蜜汁烤叉燒菠蘿漢堡同一份越式沙嗲羊肉串燒替卷拼盤。先講碟菠菜忌廉汁帶子意大利粉，上面個兩塊"帶子"真係好似樣，主要係用杏鮑菇整的，都煎得幾香脆。而意粉個部份真係無得彈，菠菜醬汁好濃郁，入口個下先係有種甜味前調，之後菠菜汁混住奶油的香味充斥係口腔度，真係好好食。意粉的硬度不硬亦唔淋，醬汁充份包裹到意粉之餘食起上黎唔會杰得滯𢳂唔到。真係估唔到碟意粉係無肉的情況之下有咁高水準。蜜汁烤叉燒菠蘿漢堡份量都幾大下，配菜菠蘿係新鮮切的唔係個種罐頭菠蘿片hea人，薯條幾香
餐廳裝修偏文青cafe feel，出面有幾個位可以俾客人坐低慢慢嘆下杯咖啡。
裡面環境都幾幽靜好chill，牆邊放左一個大的書架，上面有好多書本之外，亦都有好多本地農夫整既產品，如果想支持下本地農夫都可以順便買埋既~餐品種類都幾多選擇乜都有啲，餐牌圖文並茂所以都唔難理解內容，菜名仲會仔細介紹裡面有啲咩食材，有啲對堅果過敏或其他食物過敏既朋友可以放心用餐。
另一半胃口比較大啲，我地點左一份菠菜忌廉汁帶子意大利粉、一份蜜汁烤叉燒菠蘿漢堡同一份越式沙嗲羊肉串燒替卷拼盤。先講碟菠菜忌廉汁帶子意大利粉，上面個兩塊"帶子"真係好似樣，主要係用杏鮑菇整的，都煎得幾香脆。而意粉個部份真係無得彈，菠菜醬汁好濃郁，入口個下先係有種甜味前調，之後菠菜汁混住奶油的香味充斥係口腔度，真係好好食。意粉的硬度不硬亦唔淋，醬汁充份包裹到意粉之餘食起上黎唔會杰得滯𢳂唔到。真係估唔到碟意粉係無肉的情況之下有咁高水準。
蜜汁烤叉燒菠蘿漢堡份量都幾大下，配菜菠蘿係新鮮切的唔係個種罐頭菠蘿片hea人，薯條幾香口鹽量岩岩好，香料的味道都幾吸引。麵包口感比較偏硬，應該係純手工整出黎無加人工香精所以食落去有淡淡的小麥香味，考慮到健康呢種麵包先理想。漢堡裡面配埋啲欖菜都幾夾，而"漢堡肉"都幾香脆，甜甜的叉燒醬都幾易入口，讚。
越式沙嗲羊肉串燒替卷拼盤都幾多內容，裡面的酸種麵包都幾煙煙韌韌同漢堡個麵包一樣有陣淡淡的小麥香味。番薯蝦片啲蝦片香脆之餘蝦味十足，無油膩感。蔬菜春卷的味道不過不失，餡料都幾多菜，甜甜地都幾好食。素羊肉天貝串燒味道都幾有趣，不失係一個唔錯的選擇。
至於飲品我地揀左一杯泰式燕麥奶同一杯凍斯里蘭卡伯爵茶，泰式燕麥奶真心唔錯，而且仲有拉花圖案味道唔錯，甜度微甜。斯里蘭卡伯爵茶茶底都幾香茶唔會太澀。
整體餐廳用餐體驗良好，他日同朋友聚餐呢間餐廳會係優先考慮list裡面，食物素質真係唔錯，值得一讚。餐廳整體體驗
Post
