Video
Read full review
2019-04-24
3000 views
好耐冇食過Omakase，亦係咁多款菜式中最少食既一種，一來價錢不便宜，二來確係一款比人感覺好高級，唔係特別日子都唔會食既菜式，好耐冇同另一半食一餐高級既晚飯，大家不約而同諗到Omakase，而大坑又係女朋友比較鍾意既地方，咁就揀左呢間。餐廳內外選址係大坑，比人既感覺就有一點與世不同，大坑一直比我感覺都係好放鬆、遠離鬧市既地方，而一間高級懷石料理店開係呢個地方，好夾，佢亦係開係巷仔入面，絕對可以用「隱世」黎形容。店內裝修十分有日本既格調，牆身、餐紙都係舊時日本年代既明星海報，好有感覺。食物選擇唔止Omakase，係可以選擇單點，選擇亦好多，冇影哂所有單點餐牌，而我地今日就當然係食Omakase。師傅發辦(樁) $1180/位(先付盛合、刺身七種類、壽司五貫、溫一品、椀物、甜品)先付盛合: 吉備奈子(芥末酢味噌醬)及鯛魚白子刺身吉備奈子真係好少聽，其實係銀魚仔，唔算多餐廳供應，因為盛產唔長，食落魚味、海水味重，肉身頗滑。鯛魚白子白子即係魚雄鯛既精巢，用上柚子醋調製過，口感滑溜，但魚腥味比較重，加上唔係個個人接受到白子呢個部位同口感，未必人人岩食，我就試過就算。刺身七種類: 1. 目張魚淡
餐廳內外
選址係大坑，比人既感覺就有一點與世不同，大坑一直比我感覺都係好放鬆、遠離鬧市既地方，而一間高級懷石料理店開係呢個地方，好夾，佢亦係開係巷仔入面，絕對可以用「隱世」黎形容。店內裝修十分有日本既格調，牆身、餐紙都係舊時日本年代既明星海報，好有感覺。
食物選擇
唔止Omakase，係可以選擇單點，選擇亦好多，冇影哂所有單點餐牌，而我地今日就當然係食Omakase。
師傅發辦(樁) $1180/位
(先付盛合、刺身七種類、壽司五貫、溫一品、椀物、甜品)
先付盛合: 吉備奈子(芥末酢味噌醬)及鯛魚白子刺身
吉備奈子
真係好少聽，其實係銀魚仔，唔算多餐廳供應，因為盛產唔長，食落魚味、海水味重，肉身頗滑。
鯛魚白子
白子即係魚雄鯛既精巢，用上柚子醋調製過，口感滑溜，但魚腥味比較重，加上唔係個個人接受到白子呢個部位同口感，未必人人岩食，我就試過就算。
刺身七種類: 1. 目張魚
淡味中帶魚油香，而油分適中唔會過膩、肉質實而爽口，作為第一款刺身十分合適。
刺身七種類: 2. 飛魚
刺身七種類: 2. 飛魚
21 views
0 likes
0 comments
已經用上薑、蒽、䜴油調味，唔洗再沾其他醬汁，入口魚肉甘香，肉質偏腍，易溶化係口中。
刺身七種類: 3. 黑鯥
刺身七種類: 3. 黑鯥
32 views
0 likes
0 comments
黑鯥魚係生於深海既肉食性魚類，產量亦不算多，以炙燒方式燒一燒魚皮以逼出油脂，食落去燒過既皮好香，肉質鮮甜，吃畢後油脂會留係口中，沾上芥末食可以中和油膩。
刺身七種類: 4. 螢光烏賊
配上薑蓉，味道頗重海水味，肉質軟腍中帶有嚼勁，較潺滑既口感，並非常挑人食。
刺身七種類: 5. 粒貝
配以青檸，肉質十分爽脆，有少許似象拔蚝，但食落帶有蠔腥味，不太合我口味。
刺身七種類: 6. 牡丹蝦
刺身七種類: 6. 牡丹蝦
11 views
0 likes
0 comments
牡丹蝦之上有蝦膏、柚子皮，再以炙燒方式處理，當然要一口過先完整地品嚐到，牡丹蝦鮮甜彈牙，食到最尾因為柚子皮又回甘，層次豐富，看似簡單既牡丹蝦絕不簡單。
刺身七種類: 7. 吞拿魚赤身、吞拿魚腩
附有紫蘇葉既枝，有好多好細既紫蘇花粒仔，鍾意紫蘇味既可以加落醬油之中，我係紫蘇葉fans，當然有加到落去。先食吞拿魚赤身，赤身爽肉質實有咬口，而吞拿魚腩十分肥美、油脂甘香，入口即化，帶有筋位，沾紫蘇醬油更搭。
溫一品: 汁煮鮪目玉
即係吞拿魚，擺盤精美，以甜醬油為主要調味醬汁，肉質十分腍滑，膏/筋位多，有啲似鯇魚咁，唔洗點咬。
壽司五貫: 1. 白蝦花壽司
壽司五貫: 1. 白蝦花壽司
12 views
0 likes
0 comments
十分精緻及用心！師傅係一粒一粒咁堆砌岀花即形狀，十分考功夫，白蝦晶瑩剔透，入口有少少酒味，隨後鮮甜佈滿口腔，白蝦入口即化，好清新既一款壽司！
壽司五貫: 2. 帆立貝、青檸、3. 沙甸魚、4.鮪腦天
壽司五貫: 2. 帆立貝、青檸、3. 沙甸魚、4.鮪腦天
23 views
0 likes
0 comments
帆立貝磨左青檸粉灑係面，可以唔洗再點醬油，肉質嫩滑清甜。沙甸魚就配有薑蒽係面，重魚香無腥味，肉質實在。至於鮪腦天即係吞拿魚頭殼頂，入口即溶，油脂香重，後勁又帶焦香，一食愛上！
壽司五貫: 5. 海膽飯
壽司最後一貴係海膽壽司，亦可以話係海膽飯，飯用上醬油、幾款醋以及海苔調味，附有海苔自己包黎食，未知海膽是否取自兩板唔同既海膽所以色澤不一，但店員表示係同一款，不過食落去深色既較creamy、淺色既較重海水腥味，配上醋飯，冇咁易食膩。
椀物: 鰤魚湯
甜品之前係熱湯，用上鰤魚熬製，味道較清淡，比味噌湯清一點，食咁多款刺身/壽司後呷一碗熱騰騰既鰤魚湯可以降油膩亦係清一清口腔準備食最後一道甜點。
甜品: 京花餅
甜品: 京花餅
5 views
0 likes
0 comments
賣相十分可愛，係桃形既和菓子，細細件好「的骰」，入面係紅豆餡，天然紅豆甜味，恰到好處，為今晚畫上完美句號！
對我而言，Omakase就如同係日式法國菜，唔可以急，要慢慢品嚐，邊食邊同共餐者閒聊，亦一邊聽師傅們介紹菜式，係一種享受既料理，偶爾高消費一下都係生活中放鬆既一種方式，而呢一間既食材新鮮，店員態度十分好，師傅用心烹調每一道菜，刀工、處理手法亦純熟了得，如要食懷石料理，「八寸料亭」絕對係唔錯既選擇。
Post
