Video
Read full review
2018-10-03
133 views
次次食親放題，基本上都係旺角咁濟，食得多都咪話唔悶。今次決定食得high class啲，黎到尖沙咀既「一樂日本料理」，初初以為同旺角果啲冇咩分別，點知好有驚喜呢！😱個環境同旺角其他放題好唔同，平時要坐到好迫，啲碟疊到上天花板都仲係唔夠位放咁，但呢到就相反。座位非常寬敞，我地好好彩，2個人可以坐張半圓枱，舒服又夠位放野食。👏 —而家好多放題都轉哂手機落單，呢間都唔例外，用wechat scan一scan QR Code，就輕輕鬆鬆落單啦。😉 佢既選擇比較少，一開始以為會冇乜野岩食，食唔飽，點知大錯特錯。😮—唔講咁多，即刻去相！當日因為節日，間野送左野食比我地。藍妹唔知呢4舊分別係咩，味道唔錯，不過餡都係軟身既野，令到整體口感好粉。黃金櫻花蝦炸豆腐比想像中好味呢，皮雖然有啲厚，但勝在好脆。表皮有好多黃金櫻花蝦，所以超級香，即使豆腐冇味都好，配埋一齊就岩岩好啦🤗—海膽茶碗蒸本身係貪佢既海膽🤣點知一食，先發現蒸蛋真係主角。蒸蛋好滑，蛋香濃郁，夾埋海膽一入口，根本連海膽味都忽略左。😲—火炙三文魚腩、火炙黑松露帆立貝、火炙海膽魷魚、火炙海鹽左口魚、挪亞方舟、鵝肝壽司鐵塔1️⃣火炙三文魚腩：三文魚腩係藍
今次決定食得high class啲，黎到尖沙咀既「一樂日本料理」，初初以為同旺角果啲冇咩分別，點知好有驚喜呢！😱
個環境同旺角其他放題好唔同，平時要坐到好迫，啲碟疊到上天花板都仲係唔夠位放咁，但呢到就相反。
座位非常寬敞，我地好好彩，2個人可以坐張半圓枱，舒服又夠位放野食。👏
—
而家好多放題都轉哂手機落單，呢間都唔例外，用wechat scan一scan QR Code，就輕輕鬆鬆落單啦。😉
佢既選擇比較少，一開始以為會冇乜野岩食，食唔飽，點知大錯特錯。😮
—
唔講咁多，即刻去相！
當日因為節日，間野送左野食比我地。
藍妹唔知呢4舊分別係咩，味道唔錯，不過餡都係軟身既野，令到整體口感好粉。
黃金櫻花蝦炸豆腐比想像中好味呢，皮雖然有啲厚，但勝在好脆。
表皮有好多黃金櫻花蝦，所以超級香，即使豆腐冇味都好，配埋一齊就岩岩好啦🤗
—
海膽茶碗蒸本身係貪佢既海膽🤣點知一食，先發現蒸蛋真係主角。
蒸蛋好滑，蛋香濃郁，夾埋海膽一入口，根本連海膽味都忽略左。😲
—
火炙三文魚腩、火炙黑松露帆立貝、火炙海膽魷魚、火炙海鹽左口魚、挪亞方舟、鵝肝壽司鐵塔1️⃣火炙三文魚腩：
三文魚腩係藍妹最鐘意既壽司，食三文魚腩最緊要油脂要夠，入口要即溶。呢個過關✅
2️⃣火炙黑松露帆立貝：
淡淡既黑松露味，帆立貝都幾鮮
3️⃣火炙海膽魷魚：
魷魚唔腥，滑溜！
4️⃣火炙海鹽左口魚：
呢個好特別，平時好少食到。左口魚個質地超滑，可以做到溶化既感覺。👍
5️⃣ 挪亞方舟：
比個名吸引左，海膽同三文魚卵都係好易好腥，藍妹本身都好怕。
食完就比個讚啦❗️完全冇腥味，加埋蝦，三種食材既味道好配合。💯
6️⃣鵝肝壽司鐵塔：
呢個係咁多款中，藍妹最喜歡既。
甜美，唔腥，有層次。😊
—
刺身盤成晚分數最低應該係刺身，食落去冇唔新鮮既味，但係口感偏粉，令藍妹食左一兩塊就唔想再食。😣
不過鯛魚同鯨龍呢兩款都值得一試，鯛魚好新鮮，入口即溶，味道好清新。
其實唔太分到鯨龍同鯛魚，藍妹個人認為鯨龍比較淡味。🤔
—
雷絲鳥巢黃金軟殼蟹軟殼蟹真係好正，因為係黃金（咸蛋黃）炸，所以唔會好脆。
佢既咸蛋黃唔太咸，一兩啖已經食哂都唔覺好漏😋
—
川式香蒜燒茄子（1客1/3條）鐘意食茄子既話要叫啦，好香蒜味，茄子好林😍
—
「沙嘩啲卡」燒豬頸肉豬頸肉厚實，中庸之作。
—
牛油燒翠玉瓜 + 明太子玉子燒同男朋友一致認為翠玉瓜好好食，好香又有少少鹽味。
—
榴槤計時炸彈+蓮藕天婦羅+雪花炸鮮奶1️⃣榴槤計時炸彈：
榴槤味好濃，藍妹一咬開，男朋友已經彈開。皮有啲硬。
2️⃣蓮藕天婦羅：
未食過蓮藕天婦羅，好特別，味道好淡，但好爽口。
3️⃣雪花炸鮮奶：
平時通常食圓形一粒既，呢到係一條，鮮奶應該有少少調味，都幾濃味。😮
藍妹encore左一次，證明好食😆
—
紫薯雪糕重點推介‼️‼️‼️
蕃薯雪糕面有一層紫薯粉，蕃薯味好出，香甜！底層仲有薄薄既紫薯糖漿蛋糕，層次好豐富。
如果唔係我地食到太飽，真係想一人食多一個嫁😭
但我地決定之後有機會團購買啲返黎食！
—
呢晚絕對係意想不到滿足既一晚，食到好飽，野食質素亦相當滿意。😳
呢間野價錢其實同其他唔係差好遠，但係食物質素就好好多。
選擇原來唔需要多，只需要夠好食。😜
Post
