尚夢・茳煳 (Closed)

喺公司附近開咗一間新派嘅中菜，放午飯嘅時候人山人海，所以特登放工等冇咁多人既時候去試吓呢間中菜廳位於灣仔譚臣道，直情係我公司隔離，夜晚唔算太多人，所以可以喺寧靜嘅環境之下食飯，員工嘅態度同埋招待都非常之好，環境乾淨。我哋叫咗一個燉湯呢個燉湯嘅特別之處就係下面會有蠟燭，令到個湯不斷預熱，唔會冷掉。入面有冬瓜瑤柱，再用雞熬製而成。飲落去又清新解渴🤗叫咗一個香煎龍躉球擺法非常之靚！有五至六塊龍躉， 好好食😋佢揸得啱啱好，唔會太重炸粉，入面個龍躉仍然係非常之鮮嫩，下次會再叫😃另外叫咗個茳糊炒飯呢個炒飯嘅特色就係用菜譜、黃瓜🥒、蛋白、杞子炒成。我個人覺得幾啱口味，唔係出面食到嘅味道，有少少家鄉嘅特色🤩奶油津白厚厚嘅奶油加上白菜，有少少似忌廉嘅味道，但係一齊又唔會唔夾，食完真係好飽肚😃最後食咗個即場手打嘅芝麻糯米糍，唔同啲嘅，比較軟滑🥰🥰總結，晚餐同午餐嘅餐牌唔同，晚餐比較高級，同埋正宗，服務我真係覺得好唔錯👍🏻👍🏻