嵐橋日本料理

Open Now

Now Closed

疫情之後少咗出街食飯，所以好耐都冇食好西寫食評！今次就同家姐去咗食日本嘢，之前食過佢樓下側邊專食丼飯既，都幾好食，今次就嚟上層試日本料理。佢有幾層，仲有vip 房，裝修靚而且幾高檔。先係刺身，其中油甘魚魚腩非常厚切，好美味，大推！另外家姐想食，叫咗一個蟹膏味噌壽司同埋 火灸平目魚邊壽司， 真係好耐冇食過壽司，覺得好好食。熱食方面叫咗少少串燒，牛舌係非常之厚，好似食牛肉咁。 清酒煮蜆我哋係會飲埋d湯嘅，但係因為佢落咗辣椒，所以都幾辣下。 end up再食個泡菜烏冬，完美既一餐！