Video
Read full review
2019-10-13
1817 views
咁耐以來都冇食過鐵板燒，香港有平有貴，既然要試，就搵間有保證啲既，見到呢間好評接近一千實在非同小可，一探鐵板燒既味道。餐廳內外店舖面積中等，食鐵板燒有三大枱，另一邊就係食壽司，亦有間獨立房相信係包廂之用。一桌鐵板燒大約坐到4pair客人，大家圍在半圓桌各自各邊食邊聊天再邊望師傅煮野食，感覺都幾特別。食物選擇有set亦再散叫，大多數都係食set，相對上便宜一點亦唔洗煩叫咩食。鱈場蟹鐵板燒(2人前) $2288(2位)有幾款二人前既set，分別只係主菜不一樣，叫左主菜係清酒焗鱈場蟹，而其餘所包括既都一樣，包括沙律、汁煮白鱈魚、季節料理、熊本縣產A5和王牛、炒飯(配蟹膏/和牛/鵝肝/高菜)、清酒雞湯及甜品。沙律有蕃茄仔、沙律菜、藜麥等等，酸酸尾尾，開胃沙律，另外比左碟豉油，店員指已加入少許wasabi，整晚可供客人用既sauce。汁煮白鱈魚首先為我地烹調既係白鱈魚，會用洋蒽做配菜，先燒魚皮面，其後會脆魚片做裝飾。白鱈魚一啲都唔乾，面層金黃，帶少許脆面硬口感，而咬開魚肉卻帶汁，肉質嫩滑，一開首鐵板燒白鱈魚已經有驚喜！清酒焗鱈場蟹第二道為我地準備既係清酒焗鱈場蟹，鱈場蟹已經預先砍件扑咗外殼，為免
餐廳內外
店舖面積中等，食鐵板燒有三大枱，另一邊就係食壽司，亦有間獨立房相信係包廂之用。一桌鐵板燒大約坐到4pair客人，大家圍在半圓桌各自各邊食邊聊天再邊望師傅煮野食，感覺都幾特別。
食物選擇
有set亦再散叫，大多數都係食set，相對上便宜一點亦唔洗煩叫咩食。
鱈場蟹鐵板燒(2人前) $2288(2位)
清酒焗鱈場蟹
44 views
0 likes
0 comments
有幾款二人前既set，分別只係主菜不一樣，叫左主菜係清酒焗鱈場蟹，而其餘所包括既都一樣，包括沙律、汁煮白鱈魚、季節料理、熊本縣產A5和王牛、炒飯(配蟹膏/和牛/鵝肝/高菜)、清酒雞湯及甜品。
沙律
有蕃茄仔、沙律菜、藜麥等等，酸酸尾尾，開胃沙律，另外比左碟豉油，店員指已加入少許wasabi，整晚可供客人用既sauce。
汁煮白鱈魚
汁煮白鱈魚
22 views
0 likes
0 comments
汁煮白鱈魚
12 views
0 likes
0 comments
首先為我地烹調既係白鱈魚，會用洋蒽做配菜，先燒魚皮面，其後會脆魚片做裝飾。白鱈魚一啲都唔乾，面層金黃，帶少許脆面硬口感，而咬開魚肉卻帶汁，肉質嫩滑，一開首鐵板燒白鱈魚已經有驚喜！
清酒焗鱈場蟹
清酒焗鱈場蟹
57 views
0 likes
0 comments
清酒焗鱈場蟹
34 views
0 likes
0 comments
清酒焗鱈場蟹
12 views
0 likes
0 comments
第二道為我地準備既係清酒焗鱈場蟹，鱈場蟹已經預先砍件扑咗外殼，為免蟹殼燒焦會舖上竹葉再煮鱈場蟹。因為已經扑哂殼，所以進食都方便，蟹肉容易離殼，食到本身蟹肉既鮮甜味道，烹調時間岩岩好，店員介紹伴碟既汁醬係山癸忌廉汁，同青雞冠草一齊食，更加完美。
季節料理
為法國白荀及抱子甘藍，同樣用上忌廉汁做調料，兩者口感都好爽脆。
熊本縣產A5和王牛
熊本縣產A5和王牛
10 views
0 likes
0 comments
日本菜熟食類豈能缺少牛肉？仲要係熊本縣產A5和王牛，份量罕有，每人四小件，要左五成熟，油脂豐盛，加上肥膏佔多，入口容易化開，同時保留肉既口感，已有紫蘇葉墊底索油，如能再印走部份油口感便佳。
炒飯(配蟹膏/和牛/鵝肝/高菜)
已經有熊本縣產A5和王牛，所以唔再配和牛，既然主菜係鱈場蟹，埋尾既炒飯要返蟹膏做個首尾呼應。連同雞蛋一齊炒，炒得好乾身，味道唔濃烈。
清酒雞湯
清酒雞湯
33 views
0 likes
0 comments
清酒雞湯
23 views
0 likes
0 comments
加入左帶子煮，飲落再多一份鮮甜，舒服滑喉既熱湯。
甜品
有柚子雪葩同水果杯，柚子雪葩味道清新，而水果杯有紅石榴、美國甜橙及澳洲蜜瓜，食完鐵板燒食呢兩道甜品都幾舒服。
每次食高級日本菜，都總會覺得食得舒服、食材新鮮、服務一流，呢間同樣做到呢三點，縱使價錢昂貴，但係偶爾獎勵下自己不為過。
Post
